പ്രണയാഭ്യർത്ഥന നിരസിച്ച പെൺകുട്ടിയെ കുത്തിക്കൊലപ്പെടുത്താൻ ശ്രമിച്ച സംഭവം ; പ്രതിക്ക് ഏഴ് വർഷം കഠിന തടവ്

പതിനാലുകാരിയായ പെൺകുട്ടിയെ പ്രണയാഭ്യർത്ഥന നിരസിച്ചതിന്റെ പേരിൽ കുത്തിക്കൊലപ്പെടുത്താൻ ശ്രമിച്ച കേസിൽ പ്രതിക്ക് കഠിന തടവ്. മലപ്പുറം മണ്ണാർമല പച്ചീരി ജിനേഷിനെയാണ് പെരിന്തൽമണ്ണ ഫാസ്റ്റ് ട്രാക്ക് സ്പെഷ്യൽ കോടതി ഏഴ് വർഷം കഠിന തടവും ഇരുപത്തി രണ്ടായിരം രൂപ പിഴയും ശിക്ഷ വിധിച്ചത്.

പ്രതി പെൺകുട്ടിയെ നിരന്തരം പിന്തുടർന്ന് പ്രണയാഭ്യർത്ഥന നടത്തിയിരുന്നു. പ്രണയം നിരസിച്ചതിന്റെ പ്രതികാരമായാണ് പെൺകുട്ടി ട്യൂഷന് പോകുന്ന വഴിയിൽ വെച്ച് കത്തി ഉപയോഗിച്ച് കുത്തിയത് . പെരിന്തൽമണ്ണ പോലീസാണ് ഈ കേസ് അന്വേഷിച്ചത്.