കോഴിക്കോട് കട്ടിപ്പാറയിൽ ആദിവാസി സ്ത്രീ കൊല്ലപ്പെട്ട സംഭവം; സഹോദരി ഭർത്താവ് അറസ്റ്റിൽ

കോഴിക്കോട് : കട്ടിപ്പാറയിൽ ആദിവാസി സ്ത്രീയായ ലീല കൊല്ലപ്പെട്ട സംഭവത്തിൽ ലീലയുടെ സഹോദരി ഭർത്താവ് രാജൻ അറസ്റ്റിലായി. 4 വർഷം മുമ്പ് ലീലയുടെ മകനെയും ഇയാൾ കൊലപ്പെടുത്തിയിരുന്നു.

2019-ലാണ് ലീലയുടെ മകൻ രോണുവിനെ ഇയാൾ കൊലപ്പെടുത്തിയത്. ഈ കേസിൽ ജയിലിൽ ആയിരുന്ന രാജൻ ഒരുമാസം മുമ്പാണ് കോളനിയിൽ തിരികെ എത്തിയത്. കേസിൽ തിരിച്ചെത്തിയ ശേഷം രാജൻ ലീലയുടെ കുടുംബവുമായി അടുപ്പം പുലർത്തിയിരുന്നു.

ലീലയെ മരിച്ച നിലയിൽ കാണപ്പെടുന്നതിന് 20 ദിവസങ്ങൾക്ക് മുമ്പ് ലീലയും ഭർത്താവ് രാജ​ഗോപാലനും സഹോദരി ഭർത്താവ് രാജനും ഉൾപ്പടെ അഞ്ച് പേർ പ്രദേശത്തെ അമരാട്മല കയറിയത്. വനവിഭവങ്ങൾ ശേഖരിക്കാനാണ് ഇവർ മലകയറിയതെന്നാണ് സൂചന. എന്നാൽ തിരിച്ചെത്തിയപ്പോൾ സംഘത്തിൽ ലീല കൂടെ ഇല്ലായിരുന്നു. പക്ഷെഇക്കാര്യം ലീലയുടെ ഭർത്താവ് മറച്ച് വെച്ചു. ഏതാനും ദിവസങ്ങൾക്ക് ശേഷം കോളനിയിൽ എത്തിയ ബ്ലോക്ക് പഞ്ചായത്ത് മെമ്പറാണ് ലീല കോളനിയിൽ ഇല്ലെന്ന് തിരിച്ചറിഞ്ഞത്. തുടർന്ന് പോലീസിൽ പരാതി നൽകുകയായിരുന്നു. തുടർന്ന് പോലീസ് നടത്തിയ തിരച്ചിലിലാണ് ലീലയുടെ മൃതദേഹം കണ്ടെത്തിയത്.