വീണ്ടും തെരുവ് നായയുടെ ആക്രമണം ;അട്ടപ്പാടിയിൽ മുറ്റത്ത് കളിച്ചുകൊണ്ടിരുന്ന രണ്ടര വയസ്സുകാരിയെ നായ കടിച്ച് പരിക്കേറ്റു,ഭീതിയിൽ നാട്

പാലക്കാട് :സംസ്ഥാനം നേരിടുന്ന വെല്ലുവിളികളിൽ പ്രധാനപ്പെട്ട ഒന്നാണ് തെരുവ് നായയുടെ ആക്രമണം.ദിനം പ്രതി വർദ്ധിച്ച് വരുന്ന സാഹചര്യമാണ് ഇപ്പോൾ കാണാൻ സാധിക്കുന്നത്.അട്ടപ്പാടിയിൽ രണ്ടര വയസ്സുകാരിക്ക് നേരെയാണ് തെരുവ് നായയുടെ ആക്രമണം ഉണ്ടായിരിക്കുന്നത്.ജനം ഒന്നടങ്കം ഭീതിയിൽ തുടരുകയാണ്.

കക്കുപ്പടി സ്വദേശി ഷെരീഫിന്റെ മകൾ ഷെൻസ ഫാത്തിമയെയാണ് തെരുവ് നായ ആക്രമിച്ചത്. മുറ്റത്ത് കളിച്ചു കൊണ്ടിരിക്കുമ്പോൾ കുട്ടിയുടെ നേരെ തെരുവ് നായ പാഞ്ഞടുക്കുകയായിരുന്നു. മുഖത്തും തലയിലുമായി ആറോളം സ്ഥലത്ത് കുട്ടിക്ക് പരിക്കേറ്റിട്ടുണ്ട്.