ഇന്ത്യയിലെ മാറ്റങ്ങൾ അത്ഭുതപ്പെടുത്തുന്നതെന്ന് സോഷ്യൽ മീഡിയ താരം അംജദ് താഹ; ഭൂമിയിലെ പറുദീസ ഭാവി തലമുറകൾക്ക് നൽകുന്നത് വമ്പൻ പ്രതീക്ഷകളെന്നും അറബ് ബ്രിട്ടീഷ് സോഷ്യൽ മീഡിയ ഇൻഫ്ലുവെൻസർ, കുറിപ്പ് വൈറൽ

ശ്രീനഗർ : ജമ്മു കശ്മീരിന് പ്രത്യേക പദവി എടുത്തുകളഞ്ഞ ആർട്ടിക്കിൾ 370 ഭേദഗതി ചെയ്തതിന്റെ വാർഷികത്തലേന്ന് കാശ്മീർ സന്ദർശിച്ച ശേഷമുള്ള ബ്രിട്ടീഷ്-അറബ് ഇൻഫ്ലുൻസർ അംജദ് താഹയുടെ ട്വീറ്റ് വൈറലാകുന്നു. ഇന്ത്യയുടെ സമാധാന നടപടികളിൽ ഞാൻ പ്രചോദിതനാണ് എന്ന തലക്കെട്ടോട് കൂടിയാണ് താഹയുടെ ട്വീറ്റ്. മുൻകാലത്ത് പ്രക്ഷുബ്ധതകൾ നേരിട്ടുവെങ്കിലും ഈ പ്രദേശം ഭാവി തലമുറകൾക്ക് പ്രതീക്ഷ നൽകുന്നുവെന്നും അദ്ദേഹം ട്വീറ്റിലൂടെ വ്യക്തമാക്കി.

കാശ്മീരികളുടെ നിലവിലെ അവസ്ഥ എന്താണെന്ന് സ്വയം അറിയാൻ ആണ് “ഭൂമിയിലെ പറുദീസയായ കാശ്മീരിൽ താൻ സന്ദർശനം നടത്തിയതെന്നും കാശ്മീരികൾ സംതൃപ്തരാണെന്ന് മനസിലായെന്നും അദ്ദേഹം വ്യക്തമാക്കി.