കമ്പം : കേരള അതിർത്തിയോടു ചേർന്ന് തമിഴ്നാട്ടിലെ കമ്പം ടൗണിലിറങ്ങി അക്രമം അഴിച്ചു വിട്ടശേഷം സമീപത്തെ പുളിമരത്തോട്ടത്തിൽ നിലയുറപ്പിച്ചിരുന്ന അരിക്കൊമ്പൻ വേലി തകർത്തുകൊണ്ട് തിരിച്ചിറങ്ങി. ദൃശ്യങ്ങൾ പകർത്തുന്നതിനു രണ്ടു യുവാക്കൾ ചേർന്ന് ഡ്രോൺ പറത്തിയതിനെ തുടർന്നാണ് ആന പുളിമരത്തോട്ടത്തിൽനിന്ന് പുറത്തിറങ്ങിയത് എന്നാണ് കരുതുന്നത്. യൂട്യൂബ് ചാനൽ നടത്തുന്ന ഇവരിൽ ഒരാളെ തമിഴ്നാട് പൊലീസ് അറസ്റ്റ് ചെയ്തു. പുളിമരത്തോട്ടത്തിൽ നിലയുറപ്പിച്ചിരുന്ന അരിക്കൊമ്പനെ നാളെ അതിരാവിലെ മയക്കുവെടിവച്ച് പിടികൂടാനായിരുന്നു തമിഴ്നാട് വനംവകുപ്പിന്റെ പദ്ധതി. ഇതാണ് പാളിയത്. വിരണ്ടോടിയ അരിക്കൊമ്പൻ തെങ്ങിൻതോപ്പിൽ നിലയുറപ്പിച്ചിരിക്കുകയാണ്. ഇവിടെ നിന്ന് നീങ്ങുവാനും സാധ്യതയുണ്ട്.
ആനയെ മയക്കുവെടിവച്ചു പിടികൂടാൻ മണിക്കൂറുകൾക്ക് മുൻപ് തമിഴ്നാട് സർക്കാർ ഉത്തരവിറക്കിയിരുന്നു. ആനയെ മേഘമല കടുവാസങ്കേതത്തിനുള്ളിൽ വിടാനാണ് ഉത്തരവ്. ദൗത്യത്തിനായി ആനമലയിൽനിന്നു മൂന്നു കുങ്കിയാനകളെ എത്തിക്കും. കമ്പം ടൗണിൽ നിരോധനാജ്ഞ പ്രഖ്യാപിച്ചു. ഇതു ലംഘിച്ച 20 പേർക്കെതിരെ കേസെടുത്തു. ജനം പുറത്തിറങ്ങരുതെന്നു നിർദേശം നൽകി. കമ്പംമേട്ട് റൂട്ടിൽ ഗതാഗതനിയന്ത്രണം ഏർപ്പെടുത്തി.
ഇന്നു രാവിലെ കമ്പം ടൗണിലിറങ്ങിയ അരിക്കൊമ്പൻ വൻ നാശനഷ്ടങ്ങളാണ് വരുത്തിയത്. ഓട്ടോറിക്ഷയും ബൈക്കും ഉൾപ്പെടെ ആന തകർത്തെറിഞ്ഞു. ഓട്ടോയിലുണ്ടായിരുന്ന ബൽരാജിനു പരിക്കേറ്റു.
അരിക്കൊമ്പന്റെ പരാക്രമം ജനജീവിതത്തെ ബാധിച്ച സാഹചര്യത്തിലാണ് മയക്കുവെടി വയ്ക്കാനുള്ള തീരുമാനം. മുൻപും തമിഴ്നാടിന്റെ വിവിധ ഭാഗങ്ങളിൽ അരിക്കൊമ്പൻ പ്രശ്നങ്ങൾ സൃഷ്ടിച്ചിരുന്നു. അരിക്കൊമ്പനെ ഭയന്ന് മേഘമലയിലേക്കുള്ള വിനോദസഞ്ചാരം നേരത്തെ നിർത്തിവച്ചിരുന്നു.
മുതലപ്പൊഴിയിലെ അപകടങ്ങളിൽ സംസ്ഥാന ന്യൂനപക്ഷ കമ്മീഷൻ സ്വമേധയാ എടുത്ത കേസിൽ ചെയർമാൻ അഡ്വ. എ.എ റഷീദിന്റെ നിർദ്ദേശ പ്രകാരം മത്സ്യബന്ധന…
ഒമാനില് നിന്ന് കേരളത്തിലേക്കും തിരിച്ചുമുള്ള കൂടുതല് സര്വീസുകള് റദ്ദാക്കി എയര് ഇന്ത്യ എക്സ്പ്രസ് . ജൂണ് ഒന്നിനും ഏഴിനും ഇടയിലുള്ള…
ഇന്ത്യ ഓടിച്ചു വിട്ട ബുദ്ധിജീവിക്ക് ഇപ്പോൾ ഉറക്കം കിട്ടുന്നില്ല ! മോദിയുടെ വിജയം പ്രവചിച്ച് അന്താരാഷ്ട്ര മാദ്ധ്യമങ്ങളും |MODI| #modi…
മദ്യനയക്കേസില് ചില ട്വിസ്റ്റുകള് തെലങ്കാനയില് സംഭവിക്കുന്നു. ദില്ലി സര്ക്കാരിന്റെ മദ്യ നയക്കേസുമായി ഇഡി പിടിയിലായ കവിത ഇപ്പോഴും ജാമ്യം കിട്ടാതെ…
മദ്യനയക്കേസില് ചില ട്വിസ്റ്റുകള് തെലങ്കാനയില് സംഭവിക്കുന്നു. ഡല്ഹി സര്ക്കാരിന്റെ മദ്യ നയക്കേസുമായി ഇഡി പിടിയിലായ കവിത ഇപ്പോഴും ജാമ്യം കിട്ടാതെ…
തിരുവനന്തപുരം : സംസ്ഥാനത്ത് പെയ്തിറങ്ങിയ വേനൽമഴ കെഎസ്ഇബിക്ക് നൽകിയത് കനത്ത നഷ്ടത്തിന്റെ കണക്കുകൾ. കനത്ത മഴയിൽ സംസ്ഥാനത്തുടനീളം നിരവധി പോസ്റ്റുകളും…