അരിയിൽ ഷുക്കൂർ വധക്കേസിൽ എറണാകുളം പ്രത്യേക സിബിഐ കോടതി വിധി പ്രസ്താവിച്ചതോടെ ഒന്നര പതിറ്റാണ്ടോളം നീണ്ട നിയമപോരാട്ടത്തിന് നിർണായക വഴിത്തിരിവ്. കേസിൽ 13 പ്രതികളെ കോടതി കുറ്റക്കാരായി കണ്ടെത്തിയപ്പോൾ സിപിഎം നേതാക്കളായ പി. ജയരാജൻ, ടി.വി. രാജേഷ് എന്നിവരടക്കം 18 പേരെ വെറുതെവിട്ടു. സിപിഎം സംസ്ഥാന സെക്രട്ടറി എം.വി. ഗോവിന്ദന്റെ മകൻ ശ്യാംജിത്തിനും കോടതി കുറ്റവിമുക്തനാക്കി. 2012 ഫെബ്രുവരി 20നാണ് കണ്ണൂർ കീഴറ വള്ളുവൻകടവിൽ എംഎസ്എഫ് പ്രവർത്തകനും യൂത്ത് ലീഗ് പ്രവർത്തകനുമായ അരിയിൽ ഷുക്കൂർ കൊല്ലപ്പെട്ടത്
കുറ്റക്കാരെന്ന് കണ്ടെത്തിയവരുടെ പട്ടികയിലെ ചിലരുടെ തൊഴിൽ പശ്ചാത്തലവും ശ്രദ്ധേയമാണ്. കണ്ണപുരം സർവീസ് സഹകരണ ബാങ്കിലെ നാല് ജീവനക്കാരും മോട്ടിവേഷൻ സ്പീക്കറും വിരമിച്ച ഫയർഫോഴ്സ് ഉദ്യോഗസ്ഥനും സ്കൂളിലെ മുൻ പ്യൂണും ഉൾപ്പെടെയുള്ളവരാണ് കുറ്റക്കാരുടെ പട്ടികയിലുള്ളത്. പട്ടുവം ഗ്രാമപഞ്ചായത്ത് അംഗവും പ്രതികളിൽ ഉൾപ്പെടുന്നു. രാഷ്ട്രീയ സംഘർഷത്തിന്റെ പശ്ചാത്തലത്തിൽ നടന്ന കൊലപാതകക്കേസിൽ വിവിധ തൊഴിൽ മേഖലകളിലുള്ളവർ കുറ്റക്കാരായി കണ്ടെത്തപ്പെട്ടത് വീണ്ടും ചർച്ചയാകുകയാണ്.
അന്നത്തെ സിപിഎം കണ്ണൂർ ജില്ലാ സെക്രട്ടറിയായിരുന്ന പി. ജയരാജനും മുൻ എംഎൽഎ ടി.വി. രാജേഷിനുമെതിരെ കൊലപാതക ഗൂഢാലോചനയുമായി ബന്ധപ്പെട്ട ആരോപണങ്ങളാണ് സിബിഐ ഉന്നയിച്ചിരുന്നത്. എന്നാൽ വിചാരണയ്ക്കൊടുവിൽ ഇരുവരെയും കോടതി വെറുതെവിട്ടു. ഷുക്കൂറിനെ ആക്രമിച്ച് കൊലപ്പെടുത്തിയ സംഭവത്തിൽ രാഷ്ട്രീയ പ്രതികാരമാണ് കാരണമെന്നായിരുന്നു സിബിഐയുടെ കേസ്. കേസിൽ 41 സാക്ഷികളെയാണ് വിചാരണയ്ക്കിടെ കോടതി വിസ്തരിച്ചത്. വിധിയുടെ വിശദമായ ഉത്തരവ് പുറത്തുവരുന്നതോടെ കേസിലെ കൂടുതൽ നിയമവശങ്ങൾ വ്യക്തമാകും.
ഭാരതത്തിന്റെ സനാതന സാംസ്കാരിക പൈതൃകത്തിന്റെ പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക പൊങ്കാല മഹോത്സവത്തിന് മുന്നോടിയായുള്ള നിലവറദീപം…
1969-ലെ ഉഡുപ്പി സമ്മേളനത്തിൽ എല്ലാ ധർമ്മാചാര്യന്മാരും ഒരേ സ്വരത്തിൽ നൽകിയ സാമൂഹിക സമരസതയുടെ മഹത്തായ ആഹ്വാനം പൂർണ്ണതയിൽ നടപ്പിലാക്കാൻ രാഷ്ട്രീയ…
മുസ്ലിം യൂത്ത് ലീഗ് നേതാവായിരുന്ന അരിയിൽ അബ്ദുൾ ഷുക്കൂർ കൊല്ലപ്പെട്ട കേസിൽ പതിന്നാലര വർഷത്തെ നിയമപോരാട്ടങ്ങൾക്ക് ശേഷം കൊച്ചി സി.ബി.ഐ.…
വിരമിച്ചശേഷം പി.എഫ് അക്കൗണ്ടിലുള്ള മുഴുവൻ തുകയും ഒറ്റത്തവണയായി പിൻവലിക്കാതെ, നിശ്ചിത ഇടവേളകളിൽ ഗഡുക്കളായി കൈപ്പറ്റാൻ അവസരമൊരുക്കുന്ന പുതിയ പദ്ധതിക്ക് എംപ്ലോയീസ്…
ശബരിമല തീർത്ഥാടനവുമായി ബന്ധപ്പെട്ട തിരുവാഭരണഘോഷയാത്ര കടന്നുപോകുന്ന പരമ്പരാഗത പാതയിലെ കൈയേറ്റങ്ങൾ ഒഴിപ്പിക്കണമെന്ന ആവശ്യവുമായി തിരുവാഭരണപാത സംരക്ഷണ സമിതി. മകരസംക്രാന്തി ദിനത്തിൽ…
തമിഴ്നാട് രാഷ്ട്രീയത്തിൽ വലിയ ശ്രദ്ധ നേടിയ കൊളത്തൂർ മണ്ഡലത്തിലെ വിജയത്തിന് പിന്നാലെ ദേശീയതലത്തിലും ശ്രദ്ധാകേന്ദ്രമായിരുന്ന തമിഴക വെട്രി കഴകം (ടിവികെ)…