ആർഷവിദ്യാസമാജം ഡൽഹി കേന്ദ്രം യാഥാർത്ഥ്യമായി; ഗുരുഗ്രാമിൽ പ്രൗഢഗംഭീരമായ ഉദ്ഘാടനം

ഗുരുഗ്രാം: ആർഷവിദ്യാസമാജത്തിന്റെ പുതിയ കേന്ദ്രം ഡൽഹി ഗുരുഗ്രാമിൽ പ്രവർത്തനമാരംഭിച്ചു. 2026 മാർച്ച് 9-ന് നടന്ന പ്രൗഢഗംഭീരമായ ചടങ്ങിൽ വിശ്വഹിന്ദു പരിഷത്ത് (VHP) ജോയിന്റ് ജനറൽ സെക്രട്ടറി ശ്രീമദ് സ്വാമി വിജ്ഞാനാനന്ദജി ഭദ്രദീപം കൊളുത്തി ഉദ്ഘാടനം നിർവഹിച്ചു. ആർഷവിദ്യാസമാജം സ്ഥാപകനും ഡയറക്ടറുമായ ആചാര്യശ്രീ കെ.ആർ മനോജ് ജി ചടങ്ങിൽ അധ്യക്ഷത വഹിച്ചു. സമാജത്തിന്റെ പ്രസക്തിയും വരുംകാല പ്രവർത്തനങ്ങളും വിവരിക്കുന്ന ഡോക്യുമെന്ററി വീഡിയോ ഉദ്ഘാടനത്തോടനുബന്ധിച്ച് പ്രദർശിപ്പിച്ചു.

വിശ്വഹിന്ദു പരിഷത്ത് ജോയിന്റ് ജനറൽ സെക്രട്ടറി ശ്രീ സുരേന്ദ്ര ജെയ്ൻ ജി, ഡിഎൽഎഫ് ഫേസ് 2 കൗൺസിലർ ശ്രീ വിപിൻ യാദവ് ജി, വാർഡ് 28 കൗൺസിലർ ശ്രീമതി കുനാൽ യാദവ് ജി എന്നിവർ ചടങ്ങിൽ വിശിഷ്ട അതിഥികളായിരുന്നു. ശ്രീമദ് സ്വാമി സന്ത് ബാലക് ദാസ് ജി, എച്ച്ആർഡിഎസ് (HRDS) സ്ഥാപക ജനറൽ സെക്രട്ടറി ശ്രീ അജി കൃഷ്ണൻ ജി തുടങ്ങി സമൂഹത്തിന്റെ വിവിധ മേഖലകളിലുള്ള പ്രമുഖർ ചടങ്ങിൽ പങ്കെടുക്കുകയും ആശംസകൾ അർപ്പിക്കുകയും ചെയ്തു.

ചടങ്ങിൽ പങ്കെടുത്ത വിശിഷ്ട വ്യക്തികളെ ആചാര്യശ്രീ കെ.ആർ. മനോജ് ജി പൊന്നാട ചാർത്തി ആദരിച്ചു. വിശാലി ഷെട്ടി സ്വാഗതവും ഡോ. അനഘ ജയഗോപാലൻ കൃതജ്ഞതയും രേഖപ്പെടുത്തി. ഡൽഹി ഗുരുഗ്രാം ഡിഎൽഎഫ് ഫേസ് 2, സെക്ടർ 25-ൽ സ്ഥിതിചെയ്യുന്ന L 27/6 എന്ന വിലാസത്തിലാണ് ആർഷവിദ്യാസമാജത്തിന്റെ പുതിയ കേന്ദ്രം പ്രവർത്തിക്കുന്നത്. ഈ മേഖലയിലെ ആത്മീയ-സാംസ്കാരിക പ്രവർത്തനങ്ങൾക്ക് പുതിയ കേന്ദ്രം വലിയ മുതൽക്കൂട്ടാകുമെന്ന് സംഘാടകർ അറിയിച്ചു.