അനന്തപുരിയിൽ ഐശ്വര്യം പെയ്തിറങ്ങി ! അഖില കേരള തന്ത്രമണ്ഡലം തിരുവനന്തപുരം ജില്ലാ മണ്ഡലത്തിന്റെ ആഭിമുഖ്യത്തിൽ അഷ്ടൈശ്വര്യ മഹായജ്ഞവും ശ്രീ ചക്രപൂജയും നടന്നു ; ജില്ലാ മണ്ഡലത്തിന്റെ പത്താമത് വാർഷിക സമ്മേളനത്തിനും ആചാര്യ കുടുംബ സംഗമത്തിനും തിരുവനന്തപുരം വേദിയായി

തിരുവനന്തപുരം : അഖില കേരള തന്ത്രിമണ്ഡലം തിരുവനന്തപുരം ജില്ലാ മണ്ഡലത്തിന്റെ ആഭിമുഖ്യത്തിൽ അഷ്ടൈശ്വര്യ മഹായജ്ഞവും ശ്രീ ചക്രപൂജയും പടിഞ്ഞാറേ കോട്ടയിലെ ലളിത് മഹാൾ ഓഡിറ്റോറിയത്തിൽ വച്ച് നടന്നു. ശ്രീപത്മനാഭസ്വാമി ക്ഷേത്രം പ്രതിപുരുഷ മൂർത്തിയും പുഷ്പാഞ്ജലി സ്വാമിയാരും ശങ്കരാചാര്യ പരമ്പരയിലെ 48-ാം മത് മഠാധിതപതിയും മൂപ്പിൽ സ്വാമിയാരുമായ പൂജനീയ കിഴക്കേ മഠം പരമേശ്വര ബ്രഹ്മാനന്ദ തീർത്ഥ തിരുവിതാംകൂർ രാജ പരമ്പരയിലെ ഹിസ് ഹൈനസ് അശ്വതി തിരുനാൾ ഗൗരി ലക്ഷ്മിഭായി തമ്പുരാട്ടിയുടെയും അനുഗ്രഹ ആശിർവാദത്തോടെയാണ് മഹായജ്ഞം നടന്നത്. ഈ മഹാ യജ്ഞത്തിന്റെ ഭാഗമായി അഷ്ടദ്രവ്യ മഹാഗണപതി ഹോമം, നവഗ്രഹ ദോഷപരിഹാര ഹോമങ്ങൾ പൂജകൾ, ശ്രീചക്ര പൂജ, സുകൃത ഹോമം, മഹാവിഷ്ണു പൂജ, ചക്രാബ്ജ പൂജ എന്നിവയും നടന്നു. തന്ത്രിമുഖ്യൻ കൈപ്പള്ളി ഇല്ലം കെ. പുരുഷോത്തമൻ നമ്പൂതിരി മുഖ്യ ആചാര്യനായി. താന്ത്രികാചാര്യൻ ബ്രഹ്മശ്രീ ഡോ. ദിലീപൻ നാരായണൻ നമ്പൂതിരിയാണ് ശ്രീ മഹാഗണേശ ഭദ്രദീപപ്രജ്വലനം നടത്തിയത്

അഖില കേരള തന്ത്രമണ്ഡലം തിരുവനന്തപുരം ജില്ലാ മണ്ഡലത്തിന്റെ ആഭിമുഖ്യത്തിൽ പത്താമത് വാർഷിക സമ്മേളനവും ആചാര്യ കുടുംബ സംഗമവും ഇന്ന് പടിഞ്ഞാറേക്കോട്ട ലളിത് മഹാൾ ഓഡിറ്റോറിയത്തിൽ വച്ച് ശ്രീപത്മനാഭം 2024 എന്ന പേരിൽ നടന്നു.