തെരഞ്ഞെടുപ്പ് പ്രചാരണത്തിനിടെ കോൺഗ്രസ് സ്ഥാനാർത്ഥി കനയ്യ കുമാറിനെതിരേ ആക്രമണം ; മർദിച്ചത് മാലയിടാനെന്ന വ്യാജേന എത്തിയ സംഘം ; കേസെടുത്ത് പോലീസ്

ദില്ലി : തെരഞ്ഞെടുപ്പ് പ്രചാരണത്തിനിടെ കോൺഗ്രസ് സ്ഥാനാർത്ഥി കനയ്യ കുമാറിനെതിരേ ആക്രമണം. മാലയിടാനെന്ന വ്യാജേന എത്തിയ സംഘം കനയ്യ കുമാറിനെ മർദിക്കുകയായിരുന്നു. ദേഹത്ത് മഷി ഒഴിക്കുകയും ചെയ്തു. സംഭവത്തിന്റെ ദൃശ്യങ്ങൾ സമൂഹ മാദ്ധ്യമങ്ങളിൽ വ്യാപകമായി പ്രചരിക്കുകയാണ്‌.

കർതാർ നഗറിലെ ആം ആദ്മി പാർട്ടി ഓഫീസിൽ വെച്ച് ബ്രഹ്മപുരിയിൽ നിന്നുള്ള കൗൺസില‍‍ർ ഛായാ ​ഗൗരവ് ശ‍ർമയുമായി കൂടിക്കാഴ്ച നടത്തിയതിന് ശേഷം തിരിച്ചു വരികയായിരുന്നു കോൺഗ്രസ് സ്ഥാനാർത്ഥി കനയ്യ കുമാർ. മാലയിടാനെന്ന വ്യാജേന എത്തിയ എട്ടോളം പേരടങ്ങിയ സംഘം ഹാരമണിയിച്ചതിന് പിന്നാലെ ദേഹത്ത് മഷി ഒഴിക്കുകയും വലിച്ചിഴക്കുകയുമായിരുന്നുവെന്ന് പരാതിയിൽ പറയുന്നു. സംഭവത്തിൽ കേസെടുത്ത് അന്വേഷണം ആരംഭിച്ചതായി ദില്ലി പോലീസ് വ്യക്തമാക്കി.