പാകിസ്ഥാനിൽ മതനിന്ദ ആരോപിച്ച് ജനക്കൂട്ടം ക്രിസ്ത്യൻ മത വിശ്വാസിയെ ആക്രമിക്കുകയും വീടിന് തീ വയ്ക്കുകയും ചെയ്തു. സർഗോധ നഗരത്തിലാണ് ആക്രമണം നടന്നതെന്ന് ജിയോ ന്യൂസ് റിപ്പോർട്ട് ചെയ്തു. പാകിസ്ഥാനിൽ മതന്യൂനപക്ഷങ്ങൾക്കെതിരെ ഉണ്ടാകുന്ന ആക്രമണങ്ങളിൽ ഒടുവിലത്തെ സംഭവമാണിത്.
പഞ്ചാബ് പ്രവിശ്യയിലെ സർഗോധയിലെ മുജാഹിദ് കോളനിയിലാണ് സംഭവം. പ്രകോപിതരായ ജനക്കൂട്ടം ക്രിസ്ത്യൻ മത വിശ്വാസിയെ ആക്രമിക്കുകയും വീടിന് തീയിടുകയുമായിരുന്നു. വീടിനുള്ളിൽ പ്രവർത്തിച്ചിരുന്ന ചെറുകിട ഷൂ ഫാക്ടറിയും കത്തി നശിച്ചിട്ടുണ്ട്. വൻ പോലീസ് സന്നാഹം സ്ഥലത്തെത്തിയാണ് സ്ഥിതിഗതികൾ നിയന്ത്രണവിധേയമാക്കിയത്. പരിക്കേറ്റ ഇരയെയും പരിക്കേറ്റ മറ്റ് വ്യക്തികളെയും ആംബുലൻസിൽ ആശുപത്രിയിലേക്ക് മാറ്റിയിട്ടുണ്ട്. സ്ഥലത്തെത്തിയ പോലീസ് സംഘത്തിന് നേരെയും ജനക്കൂട്ടം കല്ലെറിഞ്ഞു. സംഭവത്തെക്കുറിച്ച് അന്വേഷിച്ചുവരികയാണെന്നും ക്രമസമാധാനം തടസ്സപ്പെടുത്തുന്നവരെ കർശനമായി നേരിടുമെന്നും റീജിയണൽ പോലീസ് ഓഫീസർ അറിയിച്ചു.
പാകിസ്ഥാൻ മനുഷ്യാവകാശ കമ്മീഷൻ സർഗോധയിലെ സ്ഥിതിഗതികളിൽ ആശങ്ക പ്രകടിപ്പിക്കുകയും പഞ്ചാബ് പോലീസിനോടും ജില്ലാ ഭരണകൂടത്തോടും പ്രദേശത്ത് ശാന്തത പുനഃസ്ഥാപിക്കാനും കുറ്റവാളികളെ ഉടൻ നിയമത്തിന് മുന്നിൽ കൊണ്ടുവരാനും ആവശ്യപ്പെട്ടിട്ടുണ്ട്.
കഴിഞ്ഞ വർഷം ഓഗസ്റ്റിൽ പാകിസ്ഥാനിലെ ജരൻവാലയിൽ സമാനമായ സംഭവം നടന്നിരുന്നു.
‘മതനിന്ദ’ ആരോപിച്ച് ആൾക്കൂട്ടം നടത്തിയ ആക്രമണത്തിൽ 21-ലധികം ക്രിസ്ത്യൻ പള്ളികളും നൂറിലധികം വീടുകളുമാണ് കത്തിനശിച്ചത്.
ഇൻസ്റ്റാഗ്രാം ഇൻഫ്ളുവൻസറായ വിദ്യാർത്ഥിനി ജീവനൊടുക്കി. തിരുവനന്തപുരം കോട്ടൺഹിൽ സ്കൂളിലെ പ്ലസ് ടു വിദ്യാർത്ഥിനിയായ തൃക്കണ്ണാപുരം ഞാലിക്കോണം സ്വദേശിനി ആദിത്യയാണ് ആത്മഹത്യ…
ചെന്നൈ∙ തമിഴ്നാട് അരിയല്ലൂരിൽ 38 ദിവസം പ്രായമുള്ള ആൺകുഞ്ഞിനെ മുത്തച്ഛൻ ശുചിമുറിയിലെ വെള്ളത്തിൽ മുക്കി കൊന്നു.ചിത്തിര മാസത്തിൽ ജനിച്ച കുട്ടി…
എല്ലാ സർക്കാർ ഉദ്യോഗസ്ഥരും ബില്ലുകൾ ഇനി പോക്കറ്റിൽ നിന്നടയ്ക്കണം; പിന്തുടരാം ഈ അസം മോഡലിനെ
അതിശയോക്തി കലര്ന്ന കളക്ഷന് റിപ്പോര്ട്ടും മട്ടാഞ്ചേരി മാഫിയയുടെ തള്ളലും എല്ലാം കൂടി ചേര്ന്നപ്പോള് മഞ്ഞുമ്മല് ബോയ്സ് സിനിമയില് ശരിക്കും കുഴിയില്…
കൊല്ലം: തുണി മടക്കിവെയ്ക്കാന് വൈകിയെന്നാരോപിച്ച് കൊല്ലം കുണ്ടറയിൽ പത്ത് വയസ്സുകാരിക്ക് പിതാവിന്റെ ക്രൂര മർദ്ദനം. മദ്യലഹരിയിലുള്ള പിതാവിന്റെ ആക്രമണത്തിൽ കുട്ടിയുടെ…
ആശങ്കകൾക്കെല്ലാം തെരഞ്ഞെടുപ്പ് കമ്മീഷൻ സുപ്രീം കോടതിയിൽ തന്നെ മറുപടി പറഞ്ഞിട്ടുണ്ട് ! ELON MUSK