വ്യാജ പരാതിയെന്ന് സ്ഥാപിക്കാനുള്ള ശ്രമം പാളി! മുൻ‌കൂർ ജാമ്യത്തിന് പോലും ഇട നൽകാതെ പോലീസ് പഴുതടച്ച് പൂട്ടി! സംവിധായകൻ രഞ്ജിത്ത് പീഡനക്കേസിൽ 14 ദിവസം റിമാൻഡിൽ

കൊച്ചി: യുവനടിയുടെ പരാതിയിലെടുത്ത ലൈംഗികാതിക്രമക്കേസിൽ അറസ്റ്റിലായ സംവിധായകൻ രഞ്ജിത്ത് 14 ദിവസം റിമാൻഡിൽ .രഞ്ജിത്തിനെ എറണാകുളം സബ്ജയിലിലേക്ക് മാറ്റും. കേസിൽ ഇന്നലെ രാത്രിയാണ് രഞ്ജിത്തിൻ്റെ അറസ്റ്റ് ഉണ്ടായത്. കസ്റ്റഡിയിലെടുത്തതിന് പിന്നാലെ രഞ്ജിത്തിന് ശാരീരിക അസ്വസ്ഥതകൾ ഉണ്ടാകുകയും തുടർന്ന് ജനറൽ ആശുപത്രിയിലേക്ക് മാറ്റുകയായിരുന്നു.

കാരവാനിൽ വച്ച് തന്നെ ഉപദ്രവിക്കാൻ ശ്രമിച്ചതിനെ തുടർന്ന് താൻ പുറത്തേക്ക് ഓടിയെന്നാണ് യുവ നടിയുടെ പരാതിയിൽ പറയുന്നത്. ഷൂട്ടിംഗ് സെറ്റിലുള്ളവർ ഇത് കണ്ടിട്ടും പ്രതികരിച്ചില്ലെന്നും സംഭവം ഒത്തു തീർപ്പാക്കാൻ ശ്രമമുണ്ടായെന്നും പരാതിയിലുണ്ട്. ഇക്കഴിഞ്ഞ ജനുവരിയിലാണ് സംഭവമെന്നാണ് വിവരം.

പരാതി ലഭിച്ച ശേഷവും പൊലീസ് എല്ലാ വശങ്ങളും പരിശോധിച്ചു. പറഞ്ഞ റോൾ നൽകാത്തതിൻ്റെ പ്രശ്നങ്ങൾ രഞ്ജിത്തും നടിയും തമ്മിൽ ഉണ്ടോ എന്ന് പരിശോധിച്ചു. സിനിമയിൽ പ്രധാന സ്ത്രീ കഥാപാത്രം തന്നെ ആയിരുന്നു നടിക്ക് നൽകിയത്. സിനിമയിൽ നടിയുടെ റോളും ഏകദേശം ഷൂട്ടിംഗ് പൂർത്തിയായിരുന്നു. അതിനാൽ വ്യാജ ആരോപണത്തിനുള്ള സാധ്യത പോലീസ് പരിശോധിച്ച ശേഷം തള്ളുകയായിരുന്നു. തുടർന്നാണ് പഴുതടച്ചു അറസ്റ്റിലേക്ക് നീങ്ങിയത്.