സ്‌കൂളിലേക്ക് പോകവേ തടഞ്ഞു നിർത്തി പീഡനശ്രമം; സഹോദരിമാർ ചേർന്ന് അക്രമിയെ കൈകാര്യം ചെയ്തു ; വീഡിയോ വൈറൽ

പ്രായപൂർത്തിയാകാത്ത പെൺകുട്ടിയെ സ്കൂളിലേക്കുള്ള വഴിയിൽ പീഡിപ്പിക്കാൻ ശ്രമിച്ചയാളെ സഹപാഠികളുടെയും പ്രദേശവാസികളുടെയും സഹായത്തോടെ പെൺകുട്ടിയും സഹോദരിയും നേരിട്ടു. സംഭവത്തിന്റെ വീഡിയോ ദൃശ്യങ്ങൾ സമൂഹ മാദ്ധ്യമങ്ങളിൽ വൈറലാവുകയാണ്. ഗുജറാത്തിലെ അഹമ്മദാബാദിലാണ് സംഭവം.

17 വയസുകാരിയായ പെൺകുട്ടി സൈക്കിളിൽ സ്‌കൂളിലേക്ക് പോകവേ 19 വയസുകാരനായ വിജയ് സർകേറ്റ് എന്ന യുവാവ് അവളെ തടയുകയും ബലമായി കൈ പിടിച്ച് സമ്മാനം നൽകാൻ ശ്രമിക്കുകയായിരുന്നു. പെൺകുട്ടി സമ്മാനം വാങ്ങാൻ വിസമ്മതിച്ചതോടെ യുവാവ് സമ്മാനം പെൺകുട്ടിയുടെ ബാഗിൽ വയ്ക്കുകയും ബലമായി ചുംബിക്കുകയും ഉപദ്രവിക്കുകയും ചെയ്തു. വീട്ടിലെത്തിയ പെൺകുട്ടി അമ്മയോട് വിവരങ്ങൾ പറയുകയും. അക്രമിയെ പാഠം പഠിപ്പിക്കാൻ അവർ തീരുമാനിക്കുകയും ചെയ്തു.

പിറ്റേ ദിവസവും പ്രതി വീണ്ടും 17 വയസുകാരിയുടെ വഴി തടയുകയും അവളുടെ കൈയിൽ ബലമായി കടന്നു പിടിക്കുകയും ചെയ്തു. ഇതോടെ സമീപത്ത് കാത്തുനിന്ന മൂത്ത സഹോദരി വിഷയത്തിൽ ഇടപെട്ടു, തുടർന്ന് രണ്ട് സഹോദരിമാരും ചേർന്ന് പ്രതിയെ ആക്രമിച്ചു. പിന്നാലെ അവിടെയെത്തിയ മറ്റ് വിദ്യാർത്ഥികളും വഴിയാത്രക്കാരും ചേർന്ന് പ്രതിയെ കൈകാര്യം ചെയ്തു. പെൺകുട്ടികളുടെ രക്ഷിതാക്കൾ യുവാവിനെതിരെ പോലീസിൽ പരാതി നൽകിയിട്ടുണ്ട്. പോക്സോ അടക്കമുള്ള കുറ്റങ്ങൾ ചുമത്തി കഗ്ദാപിത്ത് പോലീസ് യുവാവിനെതിരെ കേസെടുത്തു.

https://twitter.com/sanjanausd08/status/1672535808446971910?ref_src=twsrc%5Etfw