Attukal Pongala: 3300 personnel including 800 women policemen will be deployed for security; 400 buses will be operated; preparations are in progress...
തിരുവനന്തപുരം : ആറ്റുകാല് പൊങ്കാലയുമായി ബന്ധപ്പെട്ട് വിവിധ വകുപ്പുകള് നടത്തുന്ന ഒരുക്കങ്ങള് തൃപ്തികരമായ രീതിയില് പുരോഗമിക്കുകയാണെന്ന് ദേവസ്വം മന്ത്രി കെ രാധാകൃഷണന്. കൊവിഡിന് ശേഷം പൂര്ണ അര്ഥത്തില് നടക്കുന്ന പൊങ്കാല എന്നതിനാല് മുന് വര്ഷങ്ങളെക്കാള് ജനപങ്കാളിത്തം ഇത്തവണ ഉണ്ടാകും. അതിനാല് കൂടുതല് കരുതല് നടപടികള് ആവശ്യമുണ്ടെന്നും മന്ത്രി പറഞ്ഞു. ഒരുക്കങ്ങള് വിലയിരുത്താന് ചേര്ന്ന യോഗത്തില് സംസാരിക്കുകയായിരുന്നു മന്ത്രി.
800 വനിതാ പോലീസുകാരുള്പ്പെടെ 3300 പോലീസുകാരെ സുരക്ഷയ്ക്കായി വിന്യസിക്കും. വിവിധ ഇടങ്ങളില് സിസിടിവികള് സ്ഥാപിക്കും. അറിയിപ്പ് ബോര്ഡുകള് മലയാളത്തിലും തമിഴിലും ഉണ്ടാകും. ഗതാഗതക്കുരുക്ക് അനുഭവപ്പെടാൻ സാധ്യതയുള്ള സ്ഥലങ്ങളില് മുന്കൂട്ടി ക്രമീകരണങ്ങള് ഒരുക്കുമെന്നും ഡിസിപി അജിത് വി പറഞ്ഞു. എക്സൈസ് വകുപ്പിന്റെ നേതൃത്വത്തില് ലഹരി വിരുദ്ധ പരിശോധനകളും ബോധവത്കരണവും ശക്തമാക്കും.
27 ആംബുലന്സുകള് സജ്ജീകരിക്കും. ക്ഷേത്രപരിസരത്ത് ആരോഗ്യവകുപ്പിന്റെ കണ്ട്രോള് റൂമും എമര്ജന്സി മെഡിക്കല് സെന്ററും ഏര്പ്പെടുത്തും. പൊങ്കാലയില് ഹരിത പ്രോട്ടോകോള് പാലിക്കപ്പെടുന്നുണ്ടെന്ന് ശുചിത്വമിഷനും കോര്പ്പറേഷനും മലിനീകരണ നിയന്ത്രണ ബോര്ഡും സംയുക്തമായി ഉറപ്പാക്കും. 27 മുതല് കെഎസ്ആര്ടിസി പത്ത് വീതം ദീര്ഘ, ഹ്രസ്വ ദൂര സര്വ്വീസുകളും ഇലക്ട്രിക് ബസ് സര്വ്വീസും ഏര്പ്പെടുത്തും.
പൊങ്കാല ദിവസം മാത്രം 400 ബസുകള് സര്വീസ് നടത്തും. മുന്വര്ഷം 250 ബസുകളാണ് സര്വീസ് നടത്തിയിരുന്നത്. കുടിവെള്ള വിതരണത്തിനായി വാട്ടര് അതോറിറ്റി 1270 താല്കാലിക ടാപ്പുകള് സജ്ജീകരിക്കും. കോര്പ്പറേഷനിലെ 40 വാര്ഡുകളിലായി 4500 ഓളം തെരുവുവിളക്കുകള് കെഎസ്ഇബി അറ്റകുറ്റപ്പണി നടത്തി പുനസ്ഥാപിക്കും.
വരുന്നത് മോദിക്കെതിരെ പൊളിറ്റിക്കൽ ബോംബ് ? നിർണായക വെളിപ്പെടുത്തലിൽ മോദി സർക്കാർ താഴെവീഴും ? ദില്ലിയിൽ തുടരാൻ ബിജെപി നേതാക്കൾക്ക്…
കഴിഞ്ഞ വർഷവും ഉപകരണം ഘടിപ്പിച്ച പക്ഷിയെത്തി ! ഇന്ത്യൻ അന്തർവാഹിനികളെ കുറിച്ചുള്ള വിവരങ്ങൾ ശേഖരിക്കുക ലക്ഷ്യം ? രഹസ്യാന്വേഷണ ഏജൻസികൾ…
മോദി തരംഗത്തിൽ മുങ്ങി ജോർദാനും എത്യോപ്യയും ഒമാനും ! ഇന്ത്യ ഒമാൻ സ്വതന്ത്ര വ്യാപാരക്കരാർ യാഥാർഥ്യമായി ! ആത്മവിശ്വാസത്തിൽ ഇന്ത്യൻ…
തൊഴിലുറപ്പ് പദ്ധതി ഇനി പഴങ്കഥ ! വി ബി ജി റാം ജി ബിൽ പാസാക്കി ലോക്സഭ പാസാക്കി !…
ജയിൽ ഡിഐജി എം.കെ. വിനോദ് കുമാറിനെതിരെ വിജിലൻസ് കേസ്: ടി.പി. ചന്ദ്രശേഖരൻ വധക്കേസ് പ്രതി കൊടി സുനി അടക്കമുള്ള തടവുകാർക്ക്…
“പോറ്റിയെ കേറ്റിയെ... സ്വർണം ചെമ്പായി മാറ്റിയെ...” എന്ന ഈ പാരഡി ഗാനം പ്രധാനമായും വ്രണപ്പെടുത്തിയത് ശബരിമല സ്വർണ്ണക്കൊള്ളയിൽ പ്രതികളായവരെയും LDF…