അവതാർ 2 ചോർന്നു!!!!!വ്യാജൻ പുറത്തിറങ്ങിയത് ചിത്രം റിലീസായി മണിക്കൂറുകൾക്കകം

ദില്ലി : തിയേറ്ററുകളിൽ റിലീസ് ചെയ്ത് മണിക്കൂറുകൾക്കകം അവതാർ 2 ന്റെ വ്യാജ പതിപ്പ് ഓൺലൈനിൽ ചോർന്നതായി ദേശീയ മാധ്യമങ്ങൾ റിപ്പോർട്ട് ചെയ്തു . ടൊറന്റ് സൈറ്റുകളായ തമിഴ് റോക്കേഴ്‌സ്, മൂവിറൂൾസ് തുടങ്ങിയവയിലാണ് ചിത്രത്തിന്റെ വ്യാജ പതിപ്പ് പ്രത്യക്ഷപ്പെട്ടത്.

ലോകമെമ്പാടുമുള്ള സിനിമാപ്രേമികൾ വർഷങ്ങളോളം കാത്തിരുന്ന ചിത്രമാണ് അവതാർ 2. അവതാര് പുറത്തിറങ്ങി 13 വർഷത്തിന് ശേഷമാണ് ജെയിംസ് കാമറൂൺ ചിത്രത്തിന്റെ രണ്ടാം ഭാഗം റിലീസ് ചെയ്യുന്നത്. ഇന്ത്യയിൽ മാത്രം 3800 ലേറെ സ്‌ക്രീനുകളിൽ ചിത്രം പ്രദർശനത്തിന് എത്തിയിട്ടുണ്ട്. അഡ്വാൻസ് റിസർവേഷനിലൂടെ 30 കോടിയോളം രൂപയാണ് കളക്ഷൻ ലഭിച്ചത് എന്നാണ് റിപ്പോർട്ട്.