പ്രതീകാത്മക ചിത്രം
തിരുവനന്തപുരം : സംസ്ഥാനത്തെ നിരത്തുകളിലുടനീളം 726 റോഡ് ക്യാമറകൾ സ്ഥാപിക്കാൻ കെൽട്രോണിന് കരാർ നൽകിയത് ധനവകുപ്പിന്റെ നിർദേശങ്ങൾ കാറ്റിൽ പറത്തി . 2018 ഓഗസ്റ്റിലെ ധനവകുപ്പിന്റെ ഉത്തരവിന് വിരുദ്ധമായാണ് കെല്ട്രോണിന് കരാര് കൊടുത്തതും അവർ എസ്ആര്ഐടിക്ക് ഉപകരാര് നല്കിയതും. ഉപകരാര് നല്കുന്നത് ഗതാഗത വകുപ്പ് അറിയേണ്ട എന്ന വ്യവസായ വകുപ്പിന്റെ വാദം തെറ്റാണെന്ന് ഈ ഉത്തരവ് പ്രകാരം മനസിലാക്കാം.
സര്ക്കാര് വകുപ്പുകൾക്ക് ആവശ്യമായ ഉപകരണങ്ങള് വാങ്ങുന്നതിനുള്ള നിബന്ധനകൾ വ്യക്തമാക്കി 2018ല് ധനവകുപ്പ് ഇറക്കിയ ഉത്തരവിൽ അക്രഡിറ്റഡ് ഏജന്സിക്ക് രണ്ടുതരത്തില് കരാര് നല്കാം എന്ന് പറയുന്നുണ്ട് .ഇതിൻ പ്രകാരം പ്രോജക്ട് മാനേജ്മെന്റ് കൺസൽട്ടൻസിയായി പ്രവര്ത്തിക്കുന്നതിനും സ്വന്തമായി ഉപകരണങ്ങള് വിതരണം ചെയ്യുന്നതിനും കരാർ നൽകാം. അതെസമയം അക്രഡിറ്റഡ് ഏജന്സിക്ക് മതിയായ വൈദഗ്ധ്യം ഉണ്ടെങ്കിലേ സ്വന്തമായി ഉപകരണങ്ങള് വിതരണം ചെയ്യുന്നതിനുള്ള കരാര് അവർക്ക് നല്കാവൂ എന്ന് ഉത്തരവിൽ വ്യക്തമായി പറയുന്നു. കരാർ നൽകുന്നതിന്റെ ഉത്തരവാദിത്തം ബന്ധപ്പെട്ട വകുപ്പിന് തന്നെയായിരിക്കും. റോഡ് നിരീക്ഷണ ക്യാമറകള് സ്ഥാപിച്ച് പരിചയമില്ലാത്ത കെല്ട്രോണിന് കരാര് നല്കിയത് സർക്കാരിന്റെ ഭാഗത്ത് നിന്നുണ്ടായ വൻ വീഴ്ചയാണ്.
കരാറിന്റെ ഭാഗമായി നല്കുന്ന ഉപകരണങ്ങളുടെ 50 ശതമാനമെങ്കിലും അക്രഡിറ്റഡ് ഏജന്സിയുടേതായിരിക്കണം. 50 ശതമാനത്തിലേറെ ഉപകരണങ്ങൾ മൂന്നാം കക്ഷിയില് നിന്നാണ് അക്രഡിറ്റഡ് ഏജന്സി വാങ്ങുന്നതെങ്കില് അവർക്ക് കരാര് നല്കരുത്. സേഫ് കേരള പദ്ധതിയുടെ ഭാഗമായി സ്ഥാപിച്ച ക്യാമറകളിലും ഉപകരണങ്ങളിലും അഞ്ചുശതമാനം പോലും കെല്ട്രോണിന്റേതല്ല. കെല്ട്രോണ്, എസ്ആര്ഐടിക്ക് ഉപകരാര് നല്കിയത് ഗതാഗത വകുപ്പിന്റെ അറിവോടെയല്ല.
മൂന്നാം കക്ഷിയില്നിന്നു സാധനങ്ങള് വാങ്ങുന്നത് സുതാര്യമായ ബിഡിങ് വഴിയായിരിക്കണമെന്നായിരുന്നു 2018ലെ ഉത്തരവിലെ നിർദേശം. ഈ ബിഡിങ് നടപടികള് ബന്ധപ്പെട്ട വകുപ്പിനും ലഭ്യമാക്കണം. പിഎംസി ആയാണ് അക്രഡിറ്റഡ് ഏജന്സി പ്രവര്ത്തിക്കുന്നതെങ്കില് മൂന്നാം കക്ഷിയെ തിരഞ്ഞെടുക്കുന്നതില് അന്തിമ തീരുമാനം ബന്ധപ്പെട്ട വകുപ്പാണ് എടുക്കേണ്ടത്. മൂന്നാം കക്ഷിക്ക് പണം നല്കുന്നത് വകുപ്പ് വഴി നേരിട്ടായിരിക്കണം. ഈ നിബന്ധനകളൊന്നും കെല്ട്രോണ് – എസ്ആര്ഐടി ഉപകരാറില് പാലിക്കപ്പെട്ടില്ല. ഗതാഗത വകുപ്പ് ഇക്കാര്യം അറിയണമെന്നില്ല എന്നായിരുന്നു കഴിഞ്ഞദിവസം വ്യവസായ മന്ത്രി പി.രാജീവ് നല്കിയ മറുപടി.
ഇന്ത്യയിലെ പ്രമുഖ വിമാനക്കമ്പനിയായ ഇൻഡിഗോയ്ക്ക് തുർക്കി ആസ്ഥാനമായുള്ള എയർലൈനുകളിൽ നിന്ന് വിമാനങ്ങൾ വാടകയ്ക്കെടുക്കുന്നതിന് നൽകിയിരുന്ന അനുമതി നീട്ടിനൽകില്ലെന്ന് വ്യോമയാന നിയന്ത്രണ…
പ്രപഞ്ചത്തിന്റെ വിശാലതയിൽ മനുഷ്യൻ ഒറ്റയ്ക്കാണോ എന്ന ചോദ്യം ശാസ്ത്രലോകത്തെയും സാധാരണക്കാരെയും ഒരുപോലെ ചിന്തിപ്പിക്കുന്ന ഒന്നാണ്. ഭൂമിക്ക് പുറത്ത് ജീവന്റെ സാന്നിധ്യമുണ്ടോ…
തിരുവനന്തപുരം : സംസ്ഥാനത്തെ എസ്ഐആർ കരടു വോട്ടർപട്ടിക പ്രസിദ്ധീകരിച്ചു. voters.eci.gov.in വെബ്സൈറ്റിൽ പട്ടിക പരിശോധിക്കാനാകും. 24,80,503 പേരെ വോട്ടര്പട്ടികയില്നിന്ന് ഒഴിവാക്കിയതായി…
സൗരയൂഥത്തിന്റെ അതിരുകൾ താണ്ടി എത്തിയ അപൂർവ്വ അതിഥിയായ 3I/ATLAS എന്ന ഇന്റർസ്റ്റെല്ലർ വാൽനക്ഷത്രം ഭൂമിക്കരികിലൂടെയുള്ള യാത്ര പൂർത്തിയാക്കി മടക്കയാത്ര തുടങ്ങിയിരിക്കുകയാണ്.…
തിരുവനന്തപുരം : പണം വാങ്ങി തടവുകാർക്ക് അനധികൃതമായി സൗകര്യങ്ങൾ ഏർപ്പെടുത്തിക്കൊടുത്തെന്ന ആരോപണം നേരിടുന്ന ജയിൽ ഡിഐജി എം.കെ. വിനോദ് കുമാറിന്…
ബഹിരാകാശത്ത് പുതിയൊരു യുദ്ധമുഖം തുറക്കപ്പെടുന്നുവോ എന്ന ആശങ്ക ലോകമെമ്പാടും പടരുകയാണ്. റഷ്യ-യുക്രെയ്ൻ യുദ്ധം നാലാം വർഷത്തിലേക്ക് കടക്കുമ്പോൾ, യുക്രെയ്ന്റെ പ്രധാന…