സ്നേഹത്തിന്റെ സുൽത്താൻ, ബഹ്‌റൈൻ ഖലീഫ ഇനി ജ്വലിക്കുന്ന ഓർമ്മ; വിടവാങ്ങിയത് ഭാരതതീയരുടെ ഹൃദയം തൊട്ടറിഞ്ഞ ഭരണാധികാരി

മനാമ: ബഹ്റൈൻ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ അല്‍ഖലീഫ അന്തരിച്ചു. യുഎസിലെ മായോ ക്ളിനിക്കിൽ വെച്ചാണ് മരണം സംഭവിച്ചത്. അറബ് രാജ്യങ്ങളിലെ നിലവിലെ ഏറ്റവും മുതിര്‍ന്ന നേതാവും, ലോകരാജ്യങ്ങളാൽ ആദരിക്കപ്പെടുന്ന വ്യക്തിത്വവുമായിരുന്നു അദ്ദേഹം. പ്രധാനമന്ത്രിയുടെ നിര്യാണത്തെത്തുടർന്ന് ബഹ്റൈനിൽ ഒരാഴ്ചത്തെ ദുഃഖാചരണം പ്രഖ്യാപിച്ചു. മൂന്ന് ദിവസം രാജ്യത്ത് പൊതു അവധിയും പ്രഖ്യാപിച്ചു.

ഇന്ത്യയോടും ബഹ്റൈനിലെ ഇന്ത്യൻ സമൂഹത്തോടും അത്യധികം അടുപ്പം പുലർത്തിയിരുന്ന ഭരണാധികാരിയായിരുന്നു ഖലീഫ ബിന്‍ സല്‍മാന്‍. ബഹ്റൈന്റെ സമഗ്ര വികസനത്തിൽ അര നൂറ്റാണ്ടിലേറെയായി സുപ്രധാന പങ്ക് വഹിച്ച പ്രധാനമന്ത്രികൂടിയായിരുന്നു അദ്ദേഹം.