പിഎസ്‌സി കോഴയിൽ വമ്പൻ ട്വിസ്റ്റ് !! സിപിഎം പുറത്താക്കിയ പ്രമോദ് കോട്ടൂളി പണം വാങ്ങിയിട്ടില്ലെന്ന് പരാതിക്കാരൻ ശ്രീജിത്ത് ! ജന മധ്യത്തിൽ സിപിഎം പ്രതിരോധത്തിൽ

പിഎസ്‍സി കോഴ വിവാദത്തില്‍ വമ്പൻ ട്വിസ്റ്റ്. ആരോപണ വിധേയനായതിനെ തുടർന്ന് ഇന്നലെ സിപിഎം പാർട്ടിയിൽ നിന്ന് പുറത്താക്കിയ പ്രമോദ് കോട്ടൂളി തന്റെ കൈയ്യിൽ നിന്ന് പണം വാങ്ങിയില്ലെന്ന് പരാതിക്കാരന്‍ ശ്രീജിത്ത്‌ വെളിപ്പെടുത്തി. ഇതോടെ ആർക്കാണ് പരാതിക്കാരന്‍ പണം കൊടുത്തതെന്നും ആരാണ് ഈ പണം മടക്കി നൽകിയതെന്നുമടക്കമുള്ള ചോദ്യങ്ങൾ ഉയർന്നു വരികയാണ്.

“പ്രമോദ് എന്റെ നല്ല സുഹൃത്താണ്. പ്രമോദുമായി യാതൊരു പണമിടപാടും ഉണ്ടായിട്ടില്ല. പണം വാങ്ങി എന്നൊരു പരാതി ആർക്കും കൊടുത്തിട്ടില്ലെന്നും ശ്രീജിത്ത്‌ പ്രതികരിച്ചു. എന്റെ പേര് എങ്ങനെ വന്നു എന്നതിൽ വ്യക്തതയില്ലെന്നും തിരികെ വന്ന ശേഷം പ്രമോദിനോട് സംസാരിക്കും”- ശ്രീജിത്ത്‌ കൂട്ടിച്ചേര്‍ത്തു.

പാർട്ടിക്ക് തലവേദനയായ ആരോപണത്തിൽ സിപിഎം കോഴിക്കോട് ടൗൺ ഏരിയ കമ്മിറ്റി അംഗവും സിഐടിയു ജില്ലാ സെക്രട്ടറിയുമായ പ്രമോദ് കോട്ടൂളിയെ സിപിഎം ഇന്നലെയാണ് പുറത്താക്കിയത്. പാർട്ടിയുടെ സൽപ്പേര് കളങ്കപ്പെടുത്തിയതിനാണ് പ്രമോദിനെ പുറത്താക്കിയതെന്നാണ് ജില്ലാ സെക്രട്ടറി പി മോഹനൻ പറഞ്ഞത്. പുറത്താക്കപ്പെട്ടതിന് പിന്നാലെ ശ്രീജിത്തിന്റെ വീടിന് മുന്നിൽ പ്രമോദ് കോട്ടൂളിയും അമ്മയും. മകനും സമരമിരുന്നിരുന്നു . ഒടുവിൽ അമ്മയുടെ ആരോഗ്യസ്ഥിതി കണക്കിലെടുത്താണ് കോട്ടൂളി സമരം അവസാനിപ്പിച്ചത്.