ബിഗ് ബോസ് വീട്ടിൽ കൂകിവിളി;മത്സരാർത്ഥികളെ ചൊറിഞ്ഞ് പുതിയ വൈൽഡ് കാർഡ് എൻട്രി അനു ജോസഫ്

പ്രേക്ഷകരുടെ പ്രീയ ഷോയായ ബിഗ് ബോസ് മലയാളം സീസൺ അഞ്ച് 36 ദിനം പിന്നിടുകയാണ്. പ്രേക്ഷകരെ ആവേശത്തിന്റെ മുൾമുനയിൽ നിർത്തിയാണ് ഓരോ ദിനവും കടന്നുപോകുന്നത്. ബിഗ് ബോസ് വീട്ടിലേക്ക് കഴിഞ്ഞ ദിവസം മൂന്നാമത്തെ വൈൽഡ് കാർഡ് എൻട്രിയായി നടിയും വ്‌ളോഗറുമായ അനു ജോസഫ് എത്തിയിരുന്നു. ബിഗ് ബോസ് കുറച്ച് ദൗത്യങ്ങൾ നൽകിയാണ് അനു ജോസഫിനെ അകത്തേക്ക് കയറ്റിയത്. അതിൽ ആദ്യമായി നൽകിയ ദൗത്യം വളരെ നന്നായാണ് അനു ജോസഫ് പൂർത്തീകരിച്ചത്.

ബിഗ്ബോസ് വീട്ടിൽ വളരെ സുഖിച്ച് ആസ്വദിച്ചു ജീവിക്കുന്നുവെന്ന് തോന്നുന്ന മൂന്നുപേരുടെയും അതോടൊപ്പം ഇവിടെ ബുദ്ധിമുട്ടി ജീവിക്കുന്നു എന്ന് തോന്നുന്ന മൂന്ന് പേരുടെയും കിടക്കുന്ന സ്ഥലങ്ങൾ മാറ്റാനായിരുന്നു ബിഗ്‌ബോസ് അനു ജോസഫിന് നൽകിയ ആദ്യത്തെ ദൗത്യം. അതിനായി ബിഗ്ബോസ് വീട്ടിലെ ഉറ്റ സുഹൃത്തുക്കളായ റെനീഷയെയും സെറീനയും മാറ്റി കിടത്തുകയാണ് അനു ജോസഫ് ആദ്യം ചെയ്തത്. മാത്രമല്ല നാദിറയും റെനീഷയും ഒരുമിച്ചും സെറീനയും മനീഷയും ഒരുമിച്ച് കിടക്കാനും അനു നിർദേശിച്ചു. അതോടൊപ്പം സാഗറിനെയും ജുനൈസിനെയും മാറ്റികിടത്താനും പിരിക്കാനും അനു ജോസഫ് ശ്രമിച്ചുവെങ്കിലും ജുനൈസ് തന്നോടൊപ്പമല്ല കിടക്കുന്നതെന്ന് സാഗർ വ്യക്തമാക്കി.

അതേസമയം ബിഗ്‌ബോസ് വീട്ടിൽ അഖിലും വിഷ്‍ണുവും ഷിജുവും ഒക്കെ ഗ്രൂപ്പിസം കാണിക്കുന്നുണ്ടെന്നും അനു തുറന്നടിച്ചു. ഇത് കേട്ട് ചിലർ കൂകുകയും ചിലർ കയ്യടിക്കുകയും ചെയ്തു. മാത്രമല്ല തന്നെ അളിയാ എന്ന് വിളിക്കരുതെന്ന് അഞ്‍ജൂസിനെ താക്കീത് ചെയ്യുകയും ചെയ്തു.