റോഡ് ക്രോസ് ചെയ്യവെ ബൈക്കിടിച്ചു ; പിന്നാലെ വന്ന ആംബുലൻസ് കയറിയിറങ്ങി യുവാവിന് ദാരുണാന്ത്യം

തിരുവനന്തപുരം : ആംബുലൻസ് കയറിയിറങ്ങി തിരുവനന്തപുരം മുട്ടത്തറയിൽ യുവാവിന് ദാരുണാന്ത്യം. വാഹനാപകടത്തിൽ പെട്ട് റോഡിൽ വീണ യുവാവിന്റെ ശരീരത്തിലാണ് ആംബുലൻസ് കയറിയിറങ്ങിയത്. തിരുവനന്തപുരം മുട്ടത്തറ സ്വദേശി അനന്തു (23) വാണ് മരിച്ചത്.

റോഡ് ക്രോസ് ചെയ്യുന്നതിനിടെ ബൈക്കിടിച്ച് അനന്തു റോഡിൽ വീഴുകയായിരുന്നു. തുടർന്ന് തൊട്ടുപിന്നാലെ വന്ന ആംബുലൻസ് അനന്തുവിന്റെ ശരീരത്തിൽ കയറിയിറങ്ങുകയായിരുന്നു. മെഡിക്കൽ കോളജ് ആശുപത്രിയിലേക്ക് രോഗിയുമായി പോവുകയായിരുന്നു ആംബുലൻസാണ് അനന്തുവിനെ ഇടിച്ചത്. അപകടത്തെ തുടർന്ന് ആംബുലൻസ് ഡ്രൈവറെ പൊലീസ് കസ്റ്റ‍ഡിയിലെടുത്തു.