കർണാടക രാജ്യ പ്രഗതി പക്ഷ എംഎൽഎ ജി ജനാർദ്ദന റെഡ്ഡി ഇന്ന് ബിജെപിയിൽ ചേരും. രാവിലെ 10 മണിയോടെ ബംഗളൂരുവിലെ ബിജെപി ആസ്ഥാനത്ത് എത്തിയാകും അദ്ദേഹം പാർട്ടി അംഗത്വം സ്വീകരിക്കുക. ലോക്സഭാ തിരഞ്ഞെടുപ്പിൽ അദ്ദേഹം മത്സരിക്കുമെന്നാണ് സൂചന.
ബിജെപി പ്രവേശനത്തിന്റെ വിവരം അദ്ദേഹം തന്നെയാണ് അറിയിച്ചത്. ബിജെപി പ്രവേശനത്തിന് മുന്നോടിയായി അദ്ദേഹം എംഎൽഎ സ്ഥാനം രാജിവയ്ക്കും. രാവിലെ ഗവർണറെ കണ്ട് അദ്ദേഹം രാജിക്കത്ത് കൈമാറുമെന്നാണ് സൂചന. മുതിർന്ന ബിജെപി നേതാക്കൾ ചേർന്നാകും ജനാർദ്ദന റെഡ്ഡിയെ പാർട്ടിയിലേക്ക് സ്വാഗതം ചെയ്യുക. അദ്ദേഹത്തോടൊപ്പം മറ്റ് പാർട്ടി പ്രവർത്തകരും ബിജെപി അംഗത്വം സ്വീകരിക്കും. ഗംഗാവതി നിയോജക മണ്ഡലത്തിൽ നിന്നുള്ള എംഎൽഎ ആണ് ജനാർദ്ദന റെഡ്ഡി.
മുതിർന്ന നേതാക്കളുടെ സാന്നിദ്ധ്യത്തിൽ ഇന്ന് ബിജെപിയിൽ ചേരുമെന്ന് ജനാർദ്ദന റെഡ്ഡി പറഞ്ഞു. ബിജെപി നമ്മുടെ അമ്മയ്ക്ക് തുല്യമാണ്. ബിജെപി പ്രവേശനവുമായി ബന്ധപ്പെട് കെആർപിപി പ്രവർത്തകരുമായി യോഗം ചേർന്നിരുന്നു. ഇതിൽ ബിജെപിയിൽ ചേരാൻ ഐക്യകണ്ഠേന തീരുമാനിക്കുകയായിരുന്നു. തനിക്കൊപ്പമുണ്ടാകുമെന്ന് അവർ ഉറപ്പ് നൽകിയിട്ടുണ്ട്. തന്റെ മോശം സമയങ്ങളിൽ പ്രവർത്തകർ നൽകിയ പിന്തുണ വാക്കാൽ വ്യക്തമാക്കുക പ്രയാസകരമാണെന്നും ജനാർദ്ദന റെഡ്ഡി കൂട്ടിച്ചേർത്തു.
12 കോടി ലഭിക്കുന്ന ഭാഗ്യവാനെ അറിയാൻ ഇനി ഒരു നാൾ ബാക്കി. 12 കോടി ഒന്നാം സമ്മാനമായി നൽകുന്ന വിഷു…
സംസ്ഥാനത്തെ പോലീസ് സേനയ്ക്ക് ഒന്നാകെ നാണക്കേട് ഉണ്ടാക്കിക്കൊണ്ട് ഗുണ്ടാനേതാവ് തമ്മനം ഫൈസലിന്റെ വീട്ടിലെ വിരുന്നിൽ പങ്കെടുത്ത ആലപ്പുഴ ഡിവൈഎസ്പി എംജി…
കൊച്ചി : മുഖ്യമന്ത്രി പിണറായി വിജയന്റെ മകൾ വീണ വിജയൻ ഉൾപ്പെട്ട മാസപ്പടിയാരോപണത്തിൽ കേരളാ പോലീസിന് കേസെടുക്കാമെന്ന് ഇഡി. കളളപ്പണ…
പാറ്റ്ന : ബിഹാറിൽ കോണ്ഗ്രസ് നേതാവ് രാഹുൽ ഗാന്ധി പങ്കെടുത്ത തെരഞ്ഞെടുപ്പ് പ്രചാരണ വേദി ഭാഗികമായി തകര്ന്നു. അപകട സമയത്ത്…
വിജയ് മല്യ, നീരവ് മോദി, ലളിത് മോദി, മെഹുല് ചോക്സി… ഇങ്ങനെ ഇന്ത്യന് ബാങ്കുകളെ പറ്റിച്ച് നാടുവിട്ടവരെ പറ്റി നാം…
മാമ്പഴം കഴിച്ച് പ്രമേഹം കൂട്ടിയ കെജ്രിവാൾ ശരീരഭാരം കുറച്ച് പറ്റിക്കാൻ ശ്രമിക്കുന്നത് സുപ്രീംകോടതിയെ #arvindkejriwal #delhiliquorpolicycase #supremecourt