രാജ്യദ്രോഹക്കുറ്റം കൂടുതൽ ശക്തമാക്കുമെന്ന് രാജ്‌നാഥ് സിംഗ്

കുളു: ബിജെപി വീണ്ടും അധികാരത്തിലെത്തിയാൽ രാജ്യദ്രോഹക്കുറ്റം കൂടുതല്‍ കടുപ്പിക്കുമെന് കേന്ദ്ര ആഭ്യന്തര മന്ത്രി രാജ്‌നാഥ് സിംഗ്. മധ്യപ്രദേശിലെ കുളുവില്‍ തെരഞ്ഞെടുപ്പ് റാലിയില്‍ സംസാരിക്കവെയാണ് രാജ്‌നാഥ് പ്രഖ്യാപനം നടത്തിയത്.

രാജ്യദ്രോഹക്കുറ്റം എടുത്തുകളയുമെന്ന കോൺഗ്രസ്സ് വാഗ്ദാനത്തിനുള്ള മറുപടിയായാണ് രാജ്‌നാഥ് സിംഗിന്റെ പ്രഖ്യാപനം. ഞങ്ങൾ രാജ്യദ്രോഹക്കുറ്റം കൂടുതല്‍ ശക്തമാക്കുകയാണ്. ദേശവിരുദ്ധരുടെ ആത്മാവ് പോലും വിറയ്ക്കുന്ന വിധം വിധം രാജ്യദ്രോഹക്കുറ്റം ശക്തമാക്കും. ഇന്ത്യ മറ്റൊരു രാജ്യത്തിന്റെയും മണ്ണിലേക്ക് കടന്നുകയറാനില്ല എന്നാൽ മറ്റേതെങ്കിലും രാജ്യം ഇന്ത്യയുടെ മണ്ണ് സ്വന്തമാക്കാൻ ശ്രമിച്ചാൽ എന്ത് വിലകൊടുത്തും അതിനെ തടയും. രാജ്‌നാഥ് സിംഗ് പറഞ്ഞു.

മാണ്ഡി മണ്ഡലത്തില്‍ മത്സരിക്കുന്ന രാം സ്വരൂപ് ശര്‍മ്മയുടെ തെരഞ്ഞെടുപ്പ് പ്രചരണത്തിനായാണ് രാജ്‌നാഥ് സിംഗ് കുളുവില്‍ എത്തിയത്.