താനൂർ ഒട്ടുംപുറം തൂവൽതീരത്തെ ബോട്ടപകടം : മരണം ഏഴായി ഉയർന്നു, വെളിച്ചക്കുറവ് രക്ഷാപ്രവർത്തനത്തിന് പ്രതിസന്ധി സൃഷ്ടിക്കുന്നു

മലപ്പുറം : താനൂർ ഒട്ടുംപുറം തൂവൽതീരത്ത് വിനോദയാത്രാ സംഘം സഞ്ചരിച്ച ബോട്ട് മറിഞ്ഞുണ്ടായ അപകടത്തിൽ മരണം ഏഴായി ഉയർന്നു. രക്ഷാപ്രവർത്തനങ്ങൾ പുരോഗമിക്കുന്നുണ്ടെങ്കിലും വെളിച്ചക്കുറവ് പ്രതിസന്ധി സൃഷ്ടിക്കുകയാണ്. പരപ്പനങ്ങാടി, താനൂർ നഗരസഭകളുടെ അതിർത്തിയിലാണ് ഒട്ടുംപുറം തൂവൽതീരം. വൈകുന്നേരം ഏഴ് മണിയോടെയാണ് അപകടം നടന്നത്. അവധിദിനമായതിനാൽ ഇന്ന് വിനോദ സഞ്ചാരികളുടെ എണ്ണവും കൂടുതലായിരുന്നു.പരപ്പനങ്ങാടി, താനൂര്‍ പ്രദേശത്തുള്ളവരാണ് ബോട്ടിലുണ്ടായിരുന്നവരില്‍ അധികവും എന്നാണ് വിവരം.

പരപ്പനങ്ങാടി നഹാസ്, ജെ.എസ്.മിഷന്‍, തിരൂരങ്ങാടി താലൂക്ക് ആശുപത്രി, താനൂരിലെ വിവിധ ആശുപത്രികളിലുമായിട്ടാണ് രക്ഷപ്പെടുത്തിയവരെ പ്രവേശിപ്പിച്ചിട്ടുള്ളത്.