ഇതായിരുന്നു എന്റെ അന്നത്തെ പ്രണയം: ഈ ആക്ഷൻ സൂപ്പർ സ്റ്റാറിനെ മനസ്സിലായോ?

ബോളിവുഡ് പ്രേക്ഷകരുടെ പ്രിയങ്കരനാണ് നടൻ അക്ഷയ് കുമാർ. മാത്രമല്ല ആക്ഷൻ നായകന്മാരിൽ മുഖ്യധാരയിൽ നിൽക്കുന്ന ഒരാളുകൂടെയാണ് അക്ഷയ്. “ഖിലാഡി, മോഹ്റ, സബ്സെ ബഡ ഖിലാഡി” എന്നീ ചിത്രങ്ങളെല്ലാം അക്ഷയ് കുമാറിന്റെ എക്കാലത്തെയും ശ്രദ്ധേയമായ ആക്ഷൻ ചിത്രങ്ങളാണ്. ഇപ്പോഴിതാ സമൂഹ മാധ്യമങ്ങൾ ഭരിക്കുന്നത് അക്ഷയ് കുമാറിന്റെ കുട്ടിക്കാലത്തു നിന്നുള്ള ഒരു ചിത്രമാണ്. ഏവരുടെയും ശ്രദ്ധനേടിയിരിക്കുകയാണ് അക്ഷയ്‌യുടെ ഈ ചിത്രം.

ചിത്രത്തിനൊപ്പം താരം കുറിച്ചത് ഇങ്ങനെ ആയിരുന്നു. “വളർന്നുവരുന്തോറും സ്പോർട്സിനോട് ചായ്‌വ് പ്രകടിപ്പിച്ചിരുന്നു, എന്റെ അഭിനിവേശത്തിന് ഊർജം പകരാനായി തന്റെ അമ്മ വീട്ടിൽ പോഷകസമൃദ്ധമായ ഭക്ഷണം ഉറപ്പുവരുത്തുകയും ചെയിതു. അത് തന്നെ സംബന്ധിച്ച് ഒരു അനുഗ്രഹമായിരുന്നെന്നാണ് താരം പറയുന്നത്. അതിനു കാരണമായി പറയുന്നത്, ദശലക്ഷക്കണക്കിന് തെരുവ് കുട്ടികൾക്ക് ലഭിക്കാത്ത ഒരു വിശേഷഭാഗ്യമായിരുന്നു അതെന്നതാണ്. ഇന്ത്യയിലെ 11,72,604 കുട്ടികൾക്ക് ഒരു ദിവസം ഒരു നേരത്തെ ഭക്ഷണം പോലും കിട്ടുന്നില്ലെന്നും” ചിത്രം പങ്കുവച്ച് അക്ഷയ് കുമാർ പറഞ്ഞു.