കണ്ണൂരിൽ മിന്നൽ വേഗത്തിലെത്തിയ ബസ് സ്കൂട്ടർ യാത്രികനെ ഇടിച്ചു തെറിപ്പിച്ചു; യുവാവ് രക്ഷപ്പെട്ടത്തലനാരിഴയ്ക്ക്

കണ്ണൂർ: സ്വകാര്യ ബസ് സ്കൂട്ടറിൽ ഇടിച്ച് അപകടം. കണ്ണൂർ നഗരത്തിലെ ബാങ്ക് സ്റ്റോപ്പിന് സമീപമാണ് അപകടമുണ്ടായത്. സ്കൂട്ടർ യാത്രക്കാരൻ അദ്ഭുതകരമായി രക്ഷപ്പെട്ടു. താവക്കര സ്വദേശി മുഹമ്മദ് റാഫിയാണ് അപകടത്തിൽ നിന്ന് പരിക്കുമായി രക്ഷപെട്ടത്. മുഹമ്മദ് റാഫിയുടെ കാലുകൾക്കാണ് പരിക്ക്. ഇടിയുടെ ആഘാതത്തിൽ മുഹമ്മദ് റാഫി തെറിച്ചു വീണു.ഉടൻ തന്നെ ബസ് ബ്രേക്കിട്ടു നിർത്തി.

ജംക്‌ഷനിൽ പ്രധാന റോഡിലേക്ക് കയറിയ ബൈക്ക് പെട്ടെന്ന് നിർത്തിയെങ്കിലും ബസ് വന്ന് ഇടിക്കുകയായിരുന്നു. ബസിന്റെ അടിയിലായ മുഹമ്മദ് റാഫിയുടെ കാലിലൂടെ പിൻചക്രം കയറി. ബസ്സിന്റെ ടയർ സ്കൂട്ടർ യാത്രികന്റെ തലയിലൂടെ കയറാതിരുന്നത് തലനാഴിരയ്ക്കാണ്. അപകടത്തിൽ സ്കൂട്ടർ തകർന്നു.