ലക്ഷങ്ങൾ മുടക്കി നവീകരിച്ച ഫറോക്ക് പഴയ പാലത്തിൽ അപകടങ്ങൾ തുടർക്കഥയാവുന്നു ;ശബരിമല തീർഥാടകരുടെ ബസ് കമാനത്തിൽ ഇടിച്ചു തകർന്നു,രക്ഷപ്പെട്ടത് തലനാരിഴയ്ക്ക്

കോഴിക്കോട്: ലക്ഷങ്ങൾ മുടക്കി നവീകരിച്ച ഫറോക്ക് പഴയ പാലത്തിൽ അപകടങ്ങൾ തുടർക്കഥയാവുകയാണ്.വലിയ ആഘോഷമായാണ് പാലത്തിന്റെ ഉദ്ഘാടന പരിപാടികൾ നടന്നത്.എന്നാൽ ആ പാലം ഇന്ന് ഒന്നിനും കൊള്ളാത്ത അവസ്ഥയിലായിരിക്കുകയാണ്.ശബരിമല തീർഥാടകറുമായി വന്ന ബസ് ആണ് ഇന്ന് അപകടത്തിൽപ്പെട്ടിരിക്കുന്നത്. കർണാടകയിൽ നിന്നും എത്തിയ തീർത്ഥാടകരുടെ വാഹനമാണ് കമാനത്തിൽ ഇടിച്ച് തകർന്നത്. 30 തീർത്ഥാടകർ ആണ് വാഹനത്തിൽ ഉണ്ടായിരുന്നത്.

വാഹനം പോലീസ് സ്റ്റേഷനിലേക്ക് മാറ്റി. കമാനത്തിന് ഇടിച്ച് ബസിൻ്റെ മുകൾഭാഗം പൂർണ്ണമായി തകർന്ന നിലയിലാണ്.രണ്ട് ബസുകൾക്ക് ഒരേസമയം കടന്നു പോകാൻ ഇടമില്ലാത്ത പാലത്തിന് പകരം പുതിയ പാലം വേണമെന്ന ആവശ്യം ശക്തമാണ്.