2022 ജനുവരിയോടെ കേന്ദ്ര സർക്കാർ ജീവനക്കാരുടെ ശമ്പളം വർധിക്കും

ഏഴാം ശമ്പള കമ്മീഷൻ ശുപാർശകൾ പ്രകാരം കേന്ദ്ര സർക്കാർ ജീവനക്കാരുടെ ശമ്പളം 2022 ജനുവരിയോടെ വർധിക്കാൻ സാദ്ധ്യത. DA വർദ്ധനവുണ്ടാകുന്നതാണ് ശമ്പളം കൂടാൻ കാരണം.എത്ര ശതമാനമാണ് DA വർദ്ധനവെന്ന കൃത്യമായ റിപ്പോർട്ടുകളില്ലെങ്കിലും AICPI സൂചിക പ്രകാരം 3 % വർധനവാണ് പ്രതീക്ഷിക്കപ്പെടുന്നത്.

DA വർദ്ധനവിന് പുറമേ സ്ഥാനക്കയറ്റത്തിനും ഒരു വിഭാഗം ജീവനക്കാർക്ക് സാധ്യതയുണ്ട്. 2022 ബഡ്ജറ്റിന് മുമ്പായി സർക്കാർ ഇക്കാര്യത്തിൽ തീരുമാനമെടുത്തേക്കും. 3 % വർദ്ധനവോടെ കേന്ദ്ര സർക്കാർ ജീവനക്കാരുടെ DA 34 % മായി ഉയരും. ഇതോടെ 18000 രൂപ അടിസ്ഥാന ശമ്പളമുള്ള ജീവനക്കാരുടെ വാർഷിക DA 73440 രൂപയായി ഉയരും.