ചെന്നൈ: അശ്ലീലച്ചുവയോടെയുള്ള വീഡിയോകള്‍ നീക്കം ചെയ്യണമെന്ന് തമിഴ്‌നാട്ടിലെ യുട്യൂബ് ചാനലുകള്‍ക്ക് പോലീസിന്റെ നിർദേശം. മുന്നറിയിപ്പ് ലംഘിച്ച് അശ്ലീലം നിറഞ്ഞ വീഡിയോകള്‍ അപ്‌ലോഡ് ചെയ്താല്‍ ചാനല്‍ പ്രവര്‍ത്തകര്‍ക്കെതിരേ കര്‍ശന നടപടിയെടുക്കും. നേരത്തേ പുറത്തുവിട്ടിട്ടുള്ള വീഡിയോകള്‍ നീക്കണമെന്നും സിറ്റി പോലീസ് കമ്മിഷണര്‍ മഹേഷ് കുമാര്‍ അഗര്‍വാള്‍ ആവശ്യപ്പെട്ടു.
ദ്വയാര്‍ഥ പ്രയോഗങ്ങളും അശ്ലീല ചോദ്യങ്ങളുമായി ആളുകളുടെ പ്രതികരണമെടുത്ത് പ്രസിദ്ധീകരിച്ചിരുന്ന ഒരു യുട്യൂബ് ചാനലിന്റെ മൂന്ന് പ്രവര്‍ത്തകരെ ദിവസങ്ങൾക്ക് മുൻപേ പോലീസ് അറസ്റ്റ് ചെയ്തിരുന്നു. യുവതികള്‍ക്ക് പണം നല്‍കി അവരെക്കൊണ്ട് അശ്ലീലം കലർന്ന ഉത്തരങ്ങള്‍ പറയിപ്പിച്ചും പ്രതികള്‍ വീഡിയോ ചിത്രീകരിച്ചിരുന്നു. വീഡിയോ മൂലം അപമാനിക്കപ്പെട്ട യുവതി നൽകിയ പരാതിയിലാണ് പോലീസ് പ്രതികളെ അറസ്റ്റ് ചെയ്തത്.
അതേത്തുടര്‍ന്ന് നടത്തിയ അന്വേഷണത്തിലാണ് നിയന്ത്രണങ്ങളില്ലാതെ യുട്യൂബില്‍ ഇതുപോലുള്ള ധാരാളം ചാനലുകള്‍ പ്രവര്‍ത്തിക്കുന്നത് കണ്ടെത്തിയത്. അതോടെ പോലീസ് ഇവര്‍ക്കുമേല്‍ നടപടിയെടുക്കാൻ തീരുമാനിക്കുകയായിരുന്നു. ഇത്തരം ചാനലുകളെ സൈബര്‍ ക്രൈം വിഭാഗം നിരീക്ഷിക്കുമെന്നും പോലീസ് കമ്മിഷണര്‍ വ്യക്തമാക്കി.
റായ്ബറേലിയിൽ രാഹുൽ നൽകിയ ആദ്യ ഗ്യാരന്റി എന്താണെന്ന് അറിയുമോ ?വീഡിയോ വൈറൽ |RAHUL GANDHI
പട്‌ന: ബിഹാർ മുൻ ഉപമുഖ്യമന്ത്രിയും മുതിർന്ന ബിജെപി നേതാവുമായ സുശീൽകുമാർ മോദിയുടെ വിയോഗത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്രമോദിയും കേന്ദ്ര…
മുംബൈ: മഹാരാഷ്‌ട്രയിലെ ഗഡ്ചിരോളിയിൽ നടന്ന ഏറ്റുമുട്ടലിൽ രണ്ട് സ്ത്രീകളടക്കം മൂന്ന് മാവോയിസ്റ്റുകൾ കൊല്ലപ്പെട്ടു. പ്രദേശത്ത് നിന്നും എകെ 47 റൈഫിൾ,…
തിരുവനന്തപുരം: ഹൃദ്രോഗത്തെ തുടർന്ന് ധനമന്ത്രി കെ.എൻ.ബാലഗോപാലിന് ആൻജിയോപ്ലാസ്റ്റി ശസ്ത്രക്രിയയ്ക്ക് വിധേയനാക്കി. കഴിഞ്ഞ ദിവസം മെഡിക്കൽ കോളജ് ആശുപത്രിയിലായിരുന്നു ശസ്ത്രക്രിയ നടന്നത്.…
കോഴിക്കോട്: രോഗിയുമായി പോയ ആംബുലൻസ് ട്രാൻസ്ഫോമറിൽ ഇടിച്ച് കത്തി. വാഹനത്തിലുണ്ടായിരുന്ന രോഗി വെന്തുമരിച്ചു. ഏഴ് പേർക്ക് പരിക്കേറ്റു. നാദാപുരം സ്വദേശി…