ചേറ്റൂർ ശങ്കരൻ നായരുടെ 167-ാം ജന്മവാർഷികാഘോഷം; പേരൂർക്കട ലോ അക്കാദമി ഹാളിൽ ബുധനാഴ്ച നടക്കും; ഉദ്ഘാടനം പ്രതിപക്ഷ നേതാവ് വി.ഡി.സതീശൻ നിർവ്വഹിക്കും

തിരുവനന്തപുരം: മദ്രാസ് ഹൈക്കോടതിയിലെ പ്രശസ്‌ത അഭിഭാഷകനും ജഡ്ജിയും 1897ൽ ഇന്ത്യൻ നാഷണൽ കോൺഗ്രസിന്റെ പ്രസിഡന്റായും സേവനമനുഷ്ഠിച്ച സർ ചേറ്റൂർ ശങ്കരൻ നായരുടെ 167-ാം ജന്മവാർഷികാഘോഷം പേരൂർക്കട ലോ അക്കാദമി ഹാളിൽ ബുധനാഴ്ച നടക്കും. രാവിലെ 10-ന് പ്രതിപക്ഷ നേതാവ് വി ഡി സതീശൻ പരിപാടി ഉദ്ഘാടനം ചെയ്യും.

ഒറ്റപ്പാലം ചേറ്റൂർ ശങ്കരൻ നായർ ഫൗണ്ടേഷനും ലോ അക്കാദമി ലോ കോളേജും ചേർന്നാണ് പരിപാടി നടത്തുന്നത്. പ്രധാനമന്ത്രിയുടെ പ്രിൻസിപ്പൽ സെക്രട്ടറിയായിരുന്ന ടി.കെ.എ.നായർ അദ്ധ്യക്ഷനാകുന്ന യോഗത്തിൽ ജസ്റ്റിസ് എം.ആർ.ഹരിഹരൻ നായർ മുഖ്യപ്രഭാഷണം നടത്തുമെന്ന് ഫൗണ്ടേഷൻ സെക്രട്ടറി പ്രൊഫ. എസ്.രാജശേഖരൻ നായർ അറിയിച്ചു.