പോടാ എന്ന് വിളിച്ചതിന് മൂന്നരവയസ്സുകാരനെ കെട്ടിയിട്ട് മർദിച്ചു; ആയക്കെതിരെ കേസെടുത്ത് പോലീസ്

കണ്ണൂർ: അങ്കണവാടിയിൽ മൂന്നരവയസ്സുകാരനെ കെട്ടിയിട്ട് മർദിച്ചതായി പരാതി(Child Attacked In Anganwadi). കണ്ണൂരിലെ കിഴുന്നപ്പാറയിലാണ് സംഭവം. അങ്കണവാടി ആയയാണ് കുട്ടിയെ മർദിച്ചത്. മുഹമ്മദ് ബിലാൽ എന്ന കുട്ടിക്കാണ് മർദ്ദനമേറ്റത്. കുട്ടിയുടെ പിതാവ് ചൈൽഡ് ലൈനിലാണ് പരാതി നൽകിയത്.

ബേബി എന്ന് പേരുള്ള ആയക്കെതിരെയാണ് പരാതി നൽകിയത്. പോട എന്ന് വളിച്ചതിനാണ് മർദ്ദനമേറ്റതെന്ന് കുട്ടിയുടെ പിതാവ് പറയുന്നു. നേരത്തെയും ഇവർ കുട്ടിയെ മർദ്ദിച്ചിരുന്നുവെന്നും മറ്റൊരിക്കൽ കുട്ടിയെ മറിയിൽ പൂട്ടിയിട്ടിരുന്നുവെന്നും പിതാവ് വ്യക്തമാക്കി. കൂടാതെ കുട്ടിയുടെ ദേഹത്ത് തേയ്ക്കാനായി ആയ പച്ചമുളക് കരുതി വച്ചിരുന്നതായും പരാതിയിൽ പറയുന്നു. വൈകിട്ട് അങ്കണവാടി വിട്ടുവന്നതിന് ശേഷം കുട്ടിയുടെ മാതാവ് കൈ പിടിച്ച സമയത്ത് കൈ വേദനിക്കുന്നതായി കുട്ടി പറഞ്ഞതോടെയാണ് സംഭവം പുറത്തറിയുന്നത്.