ഹൃദയാഘാതം ഉണ്ടായതിനെ തുടർന്ന് ഉൾക്കടലിലെ കപ്പലിൽ നിന്ന് ചൈനീസ് പൗരനെ മുംബൈയിലെത്തിച്ച് അടിയന്തിര വൈദ്യസഹായം നൽകി രക്ഷിച്ച കോസ്റ്റ് ഗാർഡിനും ഇന്ത്യക്കും ഔദ്യോഗികമായി നന്ദി പറഞ്ഞ് ചൈന. അറബിക്കടലിൽ മുംബൈ തീരത്തുനിന്ന് 200 കിലോമീറ്റർ അകലെ ഉണ്ടായിരുന്ന ചൈനയുടെ ഗവേഷണ കപ്പലിൽ നിന്ന് ചൈനീസ് പൗരനെ ഇന്ത്യൻ കോസ്റ്റ് ഗാർഡ് എയർലിഫ്റ്റ് ചെയ്യുകയായിരുന്നു. ആഗസ്റ്റ് 16 അർദ്ധരാത്രിയായിരുന്നു സംഭവം. മുബൈയിലെ മാരിടൈം റെസ്ക്യൂ കോ ഓർഡിനേഷൻ സെന്ററിനാണ് അടിയന്തിര വൈദ്യസഹായം ആവശ്യപ്പെട്ടുകൊണ്ടുള്ള കപ്പൽ അധികൃതരുടെ സന്ദേശം എത്തുന്നത്. എം വി ഡോങ് ഫാങ് കാൻ ടാൻ നമ്പർ 02 എന്ന ഗവേഷണ കപ്പലിലെ യിൻ വെജിയാങ് എന്ന ചൈനീസ് പൗരനാണ് ആഴക്കടലിൽ വച്ച് ഹൃദയാഘാതമുണ്ടായത്. തുടർന്ന് മോശം കാലാവസ്ഥയും ഇരുട്ടും അവഗണിച്ച് ഇന്ത്യൻ കോസ്റ്റ് ഗാർഡ് രക്ഷാ പ്രവർത്തനം നടത്തുകയായിരുന്നു.
കോസ്റ്റ് ഗാർഡിന്റെ CG ALH MK 03 ഹെലികോപ്റ്ററിൽ കപ്പലിൽ നിന്ന് അദ്ദേഹത്തെ എയർ ലിഫ്റ്റ് ചെയ്യുകയും പ്രഥമ ശുശ്രുഷ നൽകി കൂടുതൽ ചികിത്സക്കായി കപ്പലിന്റെ ഏജന്റിന് കൈമാറിയതായും കോസ്റ്റ് ഗാർഡ് അറിയിച്ചു. അർദ്ധരാത്രി ആഴക്കടലിൽ നടന്ന അതിസാഹസിക രക്ഷാപ്രവർത്തനത്തിന് വീഡിയോ കോസ്റ്റ് ഗാർഡ് ട്വിറ്ററിൽ പങ്കുവച്ചു. രോഗി അപകടനില തരണം ചെയ്തു.
കോഴിക്കോട്: പന്തീരാങ്കാവിൽ നവവധുവിനെ മർദ്ദിച്ചത്തിൽ വരൻ രാഹുലിനെതിരെ വധശ്രമത്തിനും കേസെടുത്ത് പോലീസ്. മുഖ്യമന്ത്രിക്കും വനിതാ കമ്മിഷനും എറണാകുളം ഞാറക്കൽ സ്വദേശിനിയായ…
100 വർഷങ്ങൾക്കിപ്പുറം കടൽതീരത്ത് തിരിച്ചെത്തി സെയ് തിമിംഗലം,കാരണം ഇതാണ്
കൊച്ചി ;കരുവന്നൂര് സഹകരണ ബാങ്ക് തട്ടിപ്പുകേസില് പ്രതികള്ക്ക് നേരിട്ടും അല്ലാതെയും കോടികളുടെ കള്ളപ്പണം വെളുപ്പിക്കലില് പങ്കുണ്ടെന്ന് എന്ഫോഴ്സ്മെന്റ് ഡയറക്ടറേറ്റ് ഹൈക്കോടതിയില്…
തിരുവിതാംകൂർ ദേവസ്വം ബോർഡ് ബോർഡ് ജീവനക്കാർക്കായി സംഘടിപ്പിച്ച ഭക്ത സുഗദം - ക്ഷേത്ര ദർശനം പരിശീലന ക്ലാസ് ആരംഭിച്ചു. മുൻജില്ലാകളക്ടറും…