സംസ്ഥാനത്ത് വീണ്ടും ലോക്ക്ഡൗൺ? നിർണ്ണായക അവലോകന യോഗം ഇന്ന്

തിരുവനന്തപുരം: കോവിഡ് കേസുകൾ (Covid Cases In Kerala) വർധിച്ചുകൊണ്ടിരിക്കുന്ന സാഹചര്യത്തിൽ സംസ്ഥാനത്തെ സ്ഥിതിഗതികൾ വിലയിരുത്താൻ ഇന്ന് നിർണ്ണായക അവലോകന യോഗം ചേരും. 11 മണിയ്ക്കാണ് യോഗം ചേരുക എന്ന് ആരോഗ്യമന്ത്രാലയം അറിയിച്ചു. യോഗത്തിൽ എല്ലാ ജില്ലകളിലെയും കോവിഡ് സാഹചര്യം വിലയിരുത്തും. നിയന്ത്രണങ്ങൾ കടുപ്പിക്കുന്നത് സംബന്ധിച്ചും, പ്രതിരോധ മാർഗങ്ങളിലും വിദഗ്ദസമിതിയുടെ നിർദ്ദേശങ്ങൾ തേടും എന്ന് മന്ത്രാലയം വ്യക്തമാക്കി.

അതേസമയം സംസ്ഥാനത്തെ ‘സംസ്ഥാനത്തെ ആ​രോ​ഗ്യ​മേ​ഖ​ല ഓ​ക്‌​സി​ജ​ന്‍ ഉ​ല്‍​പാ​ദ​ന​ത്തി​ല്‍ സ്വ​യംപ​ര്യാ​പ്ത​ത കൈ​വ​രി​ച്ചു’; ആരോഗ്യ മ​ന്ത്രി വീണാ ജോ​ര്‍ജ് കരുതൽ ഡോസ് കോവിഡ് വാക്സിനേഷൻ ഇന്ന് മുതൽ ആരംഭിക്കും. ആരോഗ്യ പ്രവർത്തകർ, കോവിഡ് മുന്നണി പോരാളികൾ, 60 വയസ് കഴിഞ്ഞ അനുബന്ധ രോഗമുള്ളവർ എന്നിവർക്കാണ് കരുതൽ ഡോസ് നൽകുന്നത്. 5.55 ലക്ഷം ആരോഗ്യ പ്രവർത്തകർ, 5.71 ലക്ഷം കൊറോണ മുന്നണി പോരാളികൾ എന്നിവരാണുള്ളത്. 18 വയസിന് മുകളിൽ പ്രായമായവരുടെ വാക്സിനേഷൻ കേന്ദ്രത്തിലാണ് കരുതൽ ഡോസ് വാക്സിനെടുക്കുന്നത്. രണ്ടാം ഡോസ് വാക്സിൻ എടുത്തുകഴിഞ്ഞ് 9 മാസം കഴിഞ്ഞവർക്കാണ് കരുതൽ ഡോസ് എടുക്കാൻ സാധിക്കുക.

അതേസമയം, രാജ്യത്തും ഒമിക്രോൺ വ്യാപനം രൂക്ഷമാവുകയാണ് ഈ സാഹചര്യത്തിൽ കേന്ദ്ര ആരോഗ്യമന്ത്രി മൻസുഖ് മാണ്ഡവ്യ രാജ്യത്തെ എല്ലാ ആരോഗ്യമന്ത്രിമാരുമായും കൂടിക്കാഴ്ച നടത്തുന്നുണ്ട്. ഇന്നലെ പ്രധാനമന്ത്രി നരേന്ദ്ര മോദിയുമായി നടത്തിയ അടിയന്തര യോഗത്തിൽ ഇത് സംബന്ധിച്ച് അറിയിപ്പുകൾ നൽകിയിരുന്നു.

കൂടാതെ, എല്ലാ സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ഓൺലൈൻ വഴി കൂടിക്കാഴ്ച നടത്തും. പ്രധാനമന്ത്രിയുടെ അധ്യക്ഷതയിൽ ചേർന്ന അവലോകനയോഗത്തിലെ നിർദ്ദേശങ്ങൾ സംബന്ധിച്ചും ചർച്ചകൾ നടക്കും. ദില്ലിയിൽ റെഡ് അലർട്ട് ഏർപ്പെടുത്തണമോയെന്നതിൽ തീരുമാനമെടുക്കാൻ ദുരന്തനിവാരണ അതോറിറ്റിയും ഇന്ന് യോഗം ചേരും എന്നാൽ രാജ്യത്ത് കോവിഡ് പ്രതിദിന കേസുകൾ 1,80,000 ആയി ഉയർന്നിരിക്കുകയാണ്. പ്രതിവാര കേസുകളിൽ 500 ശതമാനം വർധനയാണ് രേഖപ്പെടുത്തിയിട്ടുള്ളത്. ഒമിക്രോണിൻറെ തന്നെ വകഭേദമായ ബി. എ. 1 ഉം പടരുകയാണ്.