കുട്ടികള്‍ക്കുള്ള വാക്‌സിന്‍ അടുത്തമാസം മുതല്‍ നല്‍കും: അനുമതിക്കായുള്ള നടപടികള്‍ അവസാനഘട്ടത്തിലെന്ന് ഐസിഎംആര്‍

രാജ്യത്ത് കുട്ടികള്‍ക്കുള്ള കോവിഡ് വാക്സിനേഷൻ സെപ്തംബർ മാസത്തോടെ ആരംഭിക്കാനാകുമെന്ന് പൂനെ ഐസിഎംആർ. രണ്ടു വയസ് മുതല്‍ 18 വയസ് വരെയുള്ള കുട്ടികള്‍ക്കാണ് അടുത്തമാസം മുതല്‍ വാക്സിന്‍ നല്‍കി തുടങ്ങുന്നത്. കുട്ടികള്‍ക്കുള്ള വാക്സിന്റെ അനുമതിക്കായുള്ള നടപടി ക്രമങ്ങള്‍ അവസാന ഘട്ടത്തിലാണെന്നും സര്‍ക്കാര്‍ അറിയിച്ചു.

രണ്ട് വയസിനും 18 വയസിനും ഇടയിലുള്ളവരുടെ വാക്സിനുകളുടെ ട്രയല്‍ പുരോഗമിക്കുകയാണ്. ടെസ്റ്റ് ട്രയൽ വിജയകരമായി പൂർത്തിയായാൽ വാക്സിനേഷൻ ഉടൻ ആരംഭിക്കാനാക്കും. കൊവാക്സിന്‍ സൈകോവ്ഡിയും കുട്ടികളില്‍ പരീക്ഷിച്ചിരുന്നു. ഇത് ആദ്യഘട്ടത്തില്‍ തന്നെ വിജയകരമായിരുന്നു എന്ന് അധികാരികള്‍ വ്യക്തമാക്കി.

അതേസമയം ഈ പ്രായത്തിലുള്ളവരുടെ കൊവാക്സിന്റെ രണ്ട്, മൂന്ന് ഘട്ട ക്ലിനികല്‍ പരീക്ഷണങ്ങള്‍ നടന്നുകൊണ്ടിരിക്കുകയാണ്. സൈഡസ് കാഡിലയുടേയും കോവാക്‌സിന്റെയും വാക്‌സിനുകളാണ് പരീക്ഷണം നടക്കുന്നത്. ഇതിൽ നിന്നും 66.6 ശതമാനം ഫലപ്രാപ്തിയാണ് പ്രാഥമിക പരീക്ഷണങ്ങളില്‍ നിന്ന് ഉണ്ടായതെന്ന് വിദഗ്ധര്‍ പറയുന്നു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona