വീണ്ടും വില്ലനായി റമ്മി;അത്താണിയിൽ ഫെഡറൽ ബാങ്കിൽ ജീവനക്കാർക്ക് നേരെ പെട്രോളൊഴിച്ച കേസിൽ പ്രതിയെ ചോദ്യം ചെയ്തപ്പോൾ പുറത്ത് വന്നത് നിർണ്ണായക വിവരങ്ങൾ

തൃശൂർ: അത്താണിയിൽ ഫെഡറൽ ബാങ്കിൽ ജീവനക്കാരന് നേരെ പെട്രോളൊഴിച്ച കേസിൽ പ്രതിയെ ചോദ്യം ചെയ്തപ്പോൾ ചുരുളഴിഞ്ഞത് റമ്മി കളിച്ചതും ബാങ്ക് കൊള്ളയുമാണ്.റമ്മി കളിച്ചതിനെത്തുടർന്നുണ്ടായ കടം വീട്ടാനാണ് പ്രതി യായ വില്ലേജ് അസിസ്റ്റന്റ് ലിജോ ബാങ്ക് കൊള്ളയടിച്ചതെന്നാണ് പ്രതിയുടെ മൊഴി.കഴിഞ്ഞ ദിവസം ബാങ്കിലെത്തിയ ലിജോ കയ്യിലുണ്ടായിരുന്ന സഞ്ചിയിൽ നിന്നും പെട്രോൾ പുറത്തെടുത്ത് ജീവനക്കാർക്കുനേരെ ഒഴിക്കുകയായിരുന്നു. തുടർന്നാണ്, താൻ ബാങ്ക് കൊള്ളിയടിക്കാൻ പോവുകയാണെന്ന് പറഞ്ഞ് ബഹളം വെച്ചത്. തുടർന്ന് ജീവനക്കാർ പൊലീസിനെ ബന്ധപ്പെടുമെന്ന് പറഞ്ഞപ്പോൾ രക്ഷപ്പെടാൻ ശ്രമിക്കുകയായിരുന്നു.

ജീവനക്കാരും നാട്ടുകാരും ചേർന്നാണിയാളെ പിടികൂടിയത്. തുടർന്ന്, വടക്കാഞ്ചേരി പൊലീസ് സ്ഥലത്തെത്തി കസ്റ്റഡിയിലെടുക്കുകയായിരുന്നു.വധശ്രമം കവർച്ചാശ്രമം എന്നിവയുൾപ്പെടെയുള്ള വകുപ്പുകൾ ചുമത്തിയാണ് ഇയാൾക്കെതിരെ കേസെടുത്തിരിക്കുന്നത്