5 ലക്ഷത്തോളം വില വരുന്ന ലഹരി മരുന്നുമായി മോഷ്ണക്കേസിലെ പ്രതി അറസ്റ്റിൽ

തിരുവനതപുരം ; കടമ്പാട്ടുകോണം മത്സ്യമാർക്കറ്റിലെ ഓഫിസ് മുറി കുത്തി തുറന്ന് 35000 രൂപ മോഷ്ടിച്ച കേസിലെ പ്രതിയെ ലഹരി മരുന്നായ എംഡിഎംഎയുമായി പിടികൂടി.പാരിപ്പള്ളി ഉളിയനാട് കുളത്തൂർകോണം നന്ദു ഭവനിൽ നന്ദു ബി നായർ ആണ് പിടിയിലായത്. സ്ഥലത്തെ സിസിടിവി ദൃശ്യങ്ങളുടെ സഹായത്തോടെയാണ് പ്രതിയെ പിടികൂടാൻ കഴിഞ്ഞത്.പോലീസ് പരിശോധനയിൽ ഇയാളിൽ നിന്ന് 7. 5 ഗ്രാം എംഡിഎംഎ പിടിച്ചെടുത്തു. ഇതിന് 5 ലക്ഷത്തോളം രൂപ വില വരുമെന്നാണ് പൊലീസ് പറയുന്നത് .

കിളിമാനൂർ, വർക്കല, പാരിപ്പള്ളി, പൂയപ്പള്ളി, കടക്കൽ, മൂവാറ്റുപുഴ, ചടയമംഗലം, അയിരൂർ, കല്ലമ്പലം, ചാത്തന്നൂർ തുടങ്ങിയ പൊലീസ് സ്റ്റേഷൻ പരിധിയിൽ മോഷണം മാലപിടിച്ചുപറി, അടിപിടി, പീഡനം, കഞ്ചാവ് തുടങ്ങിയ കേസുകളിൽ പ്രതിയാണ് നന്ദു .കഴിഞ്ഞ മാസം ചടയമംഗലത്ത് 4 സ്കൂളുകളിലെ ഓഫിസ് കുത്തി തുറന്ന് ലാപ് ടോപ്പുകൾ മോഷ്ടിച്ചതും ദിവസങ്ങൾക്ക് മുൻപ് കല്ലമ്പലം മെഡിക്കൽ ഷോപ്പിൽ നടന്ന മോഷണവും പ്രതി സമ്മതിച്ചിട്ടുണ്ട്. ഒളിവിലായിരുന്ന പ്രതിയെ ചടയമംഗലത്തു നിന്ന് പള്ളിക്കൽ ഇൻസ്പെക്ടർ പി. ശ്രീജിത്ത്, എസ്ഐ എം. സഹിൽ എന്നിവർ അടങ്ങിയ പോലീസ് സംഘമാണ് പിടികൂടിയത്.