ദില്ലിയില്‍ പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച 60 കാരന്‍ അറസ്റ്റില്‍

ദില്ലി: നോര്‍ത്ത് വെസ്റ്റ് ദില്ലിയിൽ പ്രായപൂര്‍ത്തിയാകാത്ത രണ്ട് പെണ്‍കുട്ടികളെ പീഡിപ്പിച്ച 60 കാരന്‍ അറസ്റ്റില്‍. പെൺകുട്ടികളുടെ അയല്‍ക്കാരനായ പ്രതി പ്രലോഭനത്തിലൂടെ കുട്ടികളെ വീട്ടിലെത്തിച്ച് പീഡിപ്പിക്കുകയായിരുന്നു.

തുടർന്ന് കുട്ടികളെ ഇയാൾ ഭീഷണിപ്പെടുത്തുകയും ചെയ്തിരുന്നു. ചോക്ലേറ്റും കളിപ്പാട്ടങ്ങളും പണവും നല്‍കിയ ശേഷമായിരുന്നു പീഡനം. പീഡനം സഹിക്ക വയ്യാതെ 7 വയസുകാരി അമ്മയോട് സത്യങ്ങൾ വെളിപ്പെടുത്തിയതോടെയാണ് സംഭവം പുറത്ത് അറിഞ്ഞത്.

തുടര്‍ന്ന് ബലാത്സംഗം, പീഡനം, പോക്സോ നിയമം, ഭീഷണിപ്പെടുത്തല്‍ എന്നിവ പ്രകാരം പോലീസ് കേസെടുക്കുകയായിരുന്നു.