ദില്ലി തിരഞ്ഞെടുപ്പു ചൂടിലേക്ക്: നിയമസഭാ തിരഞ്ഞെടുപ്പ്ഫെബ്രുവരി എട്ടിന്; 11ന് വോട്ടെണ്ണല്‍

ദില്ലി: ദില്ലി നിയമസഭാ തെരഞ്ഞെടുപ്പിന്റെ തീയതി കേന്ദ്ര തെരഞ്ഞെടുപ്പ് കമീഷന്‍ പ്രഖ്യാപിച്ചു. ഫെബ്രുവരി എട്ടിന് തിരഞ്ഞെടുപ്പ് നടക്കും. ഫെബ്രുവരി 11ന് വോട്ടെണ്ണല്‍ നടക്കും.

തിരഞ്ഞെടുപ്പ് വിജ്ഞാപനം ജനുവരി 14ന് പുറപ്പെടുവിക്കും. പത്രികാ സമര്‍പ്പണം അവസാന തീയതി ജനുവരി 21ന്. ജനുവരി 24നാണ് പത്രികാ പിന്‍വലിക്കല്‍ തീയതിയെന്ന് തെരഞ്ഞെടുപ്പ് കമീഷണര്‍ സുനില്‍ അറോറ വ്യക്തമാക്കി.

ദില്ലിയില്‍ ആകെ 1,46,92,136 വോട്ടര്‍മാരാണുള്ളത്. ഇതില്‍ 80,55,686 പുരുഷന്മാരും 66,35,636 സ്ത്രീകളും 815 ഭിന്നലിംഗക്കാരും ആണ്. നിയമസഭയുടെ ആകെ അംഗ ബലം 70 ആണ്. 2015ലെ തെരഞ്ഞെടുപ്പില്‍ ആം ആദ്മി പാര്‍ട്ടിക്ക് 67ഉം ബിജെപിക്ക് മൂന്നും സീറ്റുകള്‍ ലഭിച്ചു. അരവിന്ദ് കെജ് രിവാള്‍ നേതൃത്വത്തില്‍ ആപ്പ് സര്‍ക്കാറാണ് അധികാരത്തിലുള്ളത്.