ഭീതി മാറാതെ … ധോണി നിവാസികളുടെ ആശങ്ക ഒഴിയുന്നില്ല; ജനവാസ കേന്ദ്രത്തിൽ വീണ്ടും കാട്ടാനയുടെ വിളയാട്ടം

പാലക്കാട് : ധോണിയിലെ ജനവാസ കേന്ദ്രത്തിൽ വീണ്ടും കാട്ടാനയിറങ്ങി. ചേലക്കാട് ചൂലിപ്പാടത്താണ് കൃഷിയിടത്തിൽ രാത്രി ഏഴ് മണിയോടെ കാട്ടാനയിറങ്ങിയത്. തെങ്ങും കവുങ്ങും ഉൾപ്പെടെ കൃഷി നശിപ്പിച്ചതായി നാട്ടുകാർ പറഞ്ഞു. ധോണിയെ ഏറെക്കാലമായി വിറപ്പിച്ച പിടി 7 എന്ന കൊമ്പനെ പിടികൂടിയതിന്റെ പിന്നാലെയാണ് മറ്റൊരു കൊമ്പൻ ഇറങ്ങിയത്

ആനകൾ ജനവാസ മേഖലയിൽ എത്തുന്നത് തടയാൻ ശാസ്ത്രീയ മാർഗങ്ങൾ സ്വീകരിക്കണമെന്നാണ് നാട്ടുകാരുടെ ആവശ്യം.പി.ടി സെവനൊപ്പം നേരത്തെ ജനവാസമേഖലകളിലിറങ്ങിയ ആനയാണ് ഇന്നലെയുമെത്തിയതെന്നാണ് നാട്ടുകാർ സംശയിക്കുന്നത്.