ആയുധ പരിശീലനത്തിനായി തെരുവുനായ്ക്കളെ വേട്ടയാടുന്നു; ഞെട്ടിക്കുന്ന വിവരങ്ങൾ പുറത്ത്

വയനാട്: ആയുധ പരിശീലനത്തിനായി തെരുവ് നായ്ക്കളെ വെട്ടിപരിക്കേല്പിക്കുന്ന സംഭവങ്ങൾ ദിനംപ്രതി കൂടി വരികയാണ്. മൂർച്ചയേറിയ വാൾകൊണ്ടാണ് നായ്ക്കളെ പരിക്കേൽപ്പിക്കുന്നത്. വെങ്ങപ്പള്ളി,ചൂരിയാറ്റ സംഗമം, പിണങ്ങോട്, കാവുമന്ദം, പടിഞ്ഞാറത്തറ എന്നീ മേഖലകളിൽ കഴിഞ്ഞ ഒരു മാസത്തിനിടെ എട്ടോളം നായ്ക്കൾക്കാണ് പരിക്കേറ്റത് എന്ന് നാട്ടുകാർ പറയുന്നു.

മുൻപ് മലപ്പുറം, കണ്ണൂർ ജില്ലകളിലാണ് ഇത്തരം ശൈലി റിപ്പോർട്ടു ചെയ്തിരുന്നത്. സമാന സംഭവമാണ് ഇപ്പോൾ വയനാട്ടിൽ നിന്ന് റിപ്പോർട്ടു ചെയ്യുന്നത്.തീവ്രവാദ-ഭീകരവാദ സംഘടനകളുടെ സാന്നിധ്യവും,അവരുടെ പങ്കും നാട്ടുകാർ സംശയിക്കുന്നു.

നായ്ക്കളുടെ ദേഹമാസകലം പരിക്കേൽപ്പിക്കുന്ന വിധത്തിലാണ് വെട്ടുന്നത്. മൂർച്ചയേറിയ വാളാണ് ഇതിനായി ഉപയോഗിച്ചിരിക്കുന്നതെന്ന് മുറിവ് കാണുന്നതിലൂടെ മനസ്സിലാക്കാൻ സാധിക്കും. ശരീരം പിളർന്നു പോയിട്ടുമുണ്ട്. സമാനമായ വിധത്തിലാണ് മറ്റിടങ്ങളിലെ നായ്ക്കളെയും വെട്ടിയിരിക്കുന്നത്. മുറിവുകൾ പരിശോധിച്ചപ്പോൾ സമാന ആയുധങ്ങൾ ഉപയോഗിച്ചുവെന്ന് കാണുന്നു. മുറിവ് പറ്റുന്ന നായകൾ മുറിവ് പഴുത്തു പുഴുവരിച്ച് ചാവുകയാണ് പതിവ്. ചൂരിയാറ്റ സംഗമം ജങ്ഷനിൽ ഇത്തരത്തിൽ മുറിവേറ്റ ഒരു നായയെ കണ്ടെത്തി. അപകടത്തിൽപെട്ട കഷ്‌ടപ്പെടുന്ന നായ്ക്കളെ രക്ഷിക്കുന്നവർ സ്ഥലത്തെത്തി നായക്ക് വേണ്ട ചകിത്സ നൽകി. ഇവരാണ് കഴിഞ്ഞ ഒരു മാസത്തിനിടെ മാത്രം എട്ടോളം സഭവങ്ങൾ നടന്നതായും ഇത്തരത്തിൽ പെട്ട നായ്ക്കളെ ചികിൽസിച്ചെന്ന വിവരവും പങ്കു വച്ചത് .

നായകളെ മോട്ടോർ സൈക്കിളിൽ എത്തി പൊടുന്നനെ വെട്ടി പരിക്കേൽപ്പിക്കുന്ന സംഭവം ഇതേ മേഖലയിൽ മുൻപ് നടന്നിരുന്നു. സംഭവത്തെ തുടർന്ന് പോലീസ് നടത്തിയ തിരച്ചിലിനു ശേഷം കുറച്ചു കാലം സ്ഥിതിഗതികൾ ശാന്തമായിരുന്നു. ഭീകരസംഘടനകളിൽ പെട്ടവർ ആയുധപരിശീലനം നടത്തുന്ന രീതിയാണ് തെരുവ് നായ്ക്കളെ വെട്ടുന്ന മാതൃക. കഴുത്തിനും കാലുകൾക്കും മുതുകിനും മോട്ടോർ സൈക്കിളിൽ പാഞ്ഞു വന്ന് വെട്ടി പരിക്കേൽപ്പിക്കാനുള്ള പരിശീലനമാണ് നടക്കുന്നതെന്ന് സംശയം നാട്ടുകാരിൽ വളർന്നു കഴിഞ്ഞു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona