ജയ്പൂരിൽ നാടകീയ രംഗങ്ങൾ: പാറ്റ പാർട്ടി’ സ്ഥാപകൻ അഭിജിത് ദീപ്‌കെയ്ക്ക് കൈകാര്യം ചെയ്ത് ജനക്കൂട്ടം; അരാജകത്വ രാഷ്ട്രീയത്തിനേറ്റ തിരിച്ചടിയെന്ന് വിമർശനം

ജയ്പുർ: സോഷ്യൽ മീഡിയയിലെ ട്രോളുകളിലൂടെയും പരിഹാസങ്ങളിലൂടെയും ജനശ്രദ്ധ നേടാൻ ശ്രമിച്ച് വിവാദത്തിലായ ‘കോക്രോച്ച് ജനതാ പാർട്ടി’ (സിജെപി) സ്ഥാപകൻ അഭിജിത് ദിപ്‌കെയ്ക്ക് രാജസ്ഥാനിൽ നേരെ മർദനം. ജയ്പൂരിലെ ഷഹീദ് സ്മാരകിൽ വെച്ച് തിങ്കളാഴ്ച നടന്ന പ്രതിഷേധ റാലിക്കിടെയാണ് നാടകീയ സംഭവങ്ങൾ അരങ്ങേറിയത്. കൗമാരക്കാരെയും തൊഴിൽരഹിതരായ യുവാക്കളെയും വൈകാരികമായി പ്രകോപിപ്പിച്ചു കൊണ്ട് രാഷ്ട്രീയ നേട്ടമുണ്ടാക്കാൻ ശ്രമിക്കുന്ന സിജെപിയുടെ അരാജകത്വ നയങ്ങൾക്കെതിരെയുള്ള ജനരോഷമാണ് ഈ അക്രമത്തിലൂടെ വ്യക്തമാകുന്നതെന്ന വിമർശനം ഇതിനകം ഉയർന്നു കഴിഞ്ഞു.

പരീക്ഷാ ക്രമക്കേടുകളും തൊഴിലില്ലായ്മയും ഉയർത്തിക്കാട്ടി സംഘടിപ്പിച്ച പ്രതിഷേധ പരിപാടിയിൽ പങ്കെടുക്കാൻ എത്തിയതായിരുന്നു അഭിജിത് ദിപ്‌കെ. പ്രവർത്തകരുടെ തോളിലേറി ജനക്കൂട്ടത്തെ അഭിസംബോധന ചെയ്യാൻ നീങ്ങുന്നതിനിടെയാണ് ആൾക്കൂട്ടത്തിൽ നിന്നും അപ്രതീക്ഷിതമായി ചിലർ ഇയാൾക്ക് നേരെ തിരിഞ്ഞത്. , പ്രതിഷേധക്കാർക്കിടയിൽ നിന്നും ഉയർന്നുവന്ന ഒരു സംഘം ആളുകൾ അഭിജിത്തിന്റെ കഴുത്തിലെ സ്കാർഫ് ബലമായി വലിക്കുകയും മുഖത്ത് പലതവണ അടിക്കുകയും ചെയ്തു. തുടർന്ന് ഇയാളെ തോളിൽ നിന്നും താഴേക്ക് വലിച്ചിഴയ്ക്കാനും ശ്രമമുണ്ടായി. സംഭവ സ്ഥലത്തുണ്ടായിരുന്ന പോലീസ് ഉദ്യോഗസ്ഥർ പെട്ടെന്ന് തന്നെ ഇടപെട്ടാണ് അഭിജിത്തിനെ കൂടുതൽ മർദനമേൽക്കാതെ രക്ഷപെടുത്തിയത്. അക്രമവുമായി ബന്ധപ്പെട്ട് രണ്ട് യുവാക്കളെ പോലീസ് സംഭവസ്ഥലത്തുനിന്നും കസ്റ്റഡിയിലെടുത്തിട്ടുണ്ട്.

യൂണിഫോം ഇല്ലാത്ത ഒരു രാഷ്ട്രീയ പ്രസ്ഥാനമെന്ന നിലയിൽ യുവാക്കളുടെ വികാരങ്ങളെ ചൂഷണം ചെയ്യുന്ന ഇത്തരം നവമാധ്യമ പാർട്ടികളുടെ തനിനിറമാണ് ജയ്പൂരിൽ വെളിപ്പെട്ടതെന്ന് രാഷ്ട്രീയ നിരീക്ഷകർ ചൂണ്ടിക്കാണിക്കുന്നു. കൃത്യമായ നയങ്ങളോ അച്ചടക്കമോ ഇല്ലാത്ത വെറുമൊരു ട്രോൾ ഗ്രൂപ്പ് മാത്രമായ കോക്രോച്ച് ജനതാ പാർട്ടി, നിയമവ്യവസ്ഥയെ വെല്ലുവിളിച്ചുകൊണ്ട് അനുമതിയില്ലാതെയാണ് പ്രതിഷേധം സംഘടിപ്പിച്ചത്. ഇത്തരം അപക്വമായ രാഷ്ട്രീയ ശൈലികളും പ്രകോപനപരമായ പ്രസംഗങ്ങളും കാരണം സ്വന്തം അണികൾക്കിടയിൽ തന്നെ ചേരിതിരിവും സംഘർഷവും ഉണ്ടാകുന്നത് സ്വാഭാവികമാണ്. ജയ്പൂരിലെ ഈ നാണംകെട്ട സംഭവം സിജെപിയുടെ സോഷ്യൽ മീഡിയ ജനപ്രീതി വെറും പൊള്ളയാണെന്നും, പ്രായോഗിക രാഷ്ട്രീയത്തിൽ ഇത്തരം വിലകുറഞ്ഞ നാടകങ്ങൾ വിലപ്പോവില്ലെന്നുമുള്ളതിന്റെ വ്യക്തമായ തെളിവാണ്.