കൊച്ചിയിൽ കുടിവെള്ള പൈപ്പ് പൊട്ടി : റോഡ് ഇടിഞ്ഞ് താഴ്ന്ന് വെള്ളം കുത്തി ഒഴുകി

കൊച്ചി : തമ്മനത്ത് കുടിവെള്ള പൈപ്പ് ലൈൻ പൊട്ടി റോഡ് ഇടിഞ്ഞ് താഴ്ന്നു. ആലുവയിൽ നിന്ന് വെള്ളമെത്തിക്കുന്ന പൈപ്പാണ് പൊട്ടിയത്. മ‍ർദത്തിൽ റോഡ് നെടുകേ പൊളിഞ്ഞ് വെള്ളം കുത്തി ഒഴുകുകയാണ്. സമീപത്തെ കടകളിലും വെള്ളം കയറിയിട്ടുണ്ട്. കൃത്യമായ സമയത്ത് അറ്റകുറ്റപ്പണി നടക്കാത്തതാണ് ഈ സംഭവത്തിന് കാരണമായതെന്നാണ് നാട്ടുകാരുടെ ആരോപണം.

കുടിവെള്ള പ്രശ്നത്തിൽ കൊച്ചിയിലെ ഒരു വിഭാഗം ജനങ്ങൾ വലയുമ്പോഴാണ് ആലുവയിൽ നിന്ന് വെള്ളമെത്തിക്കുന്ന പൈപ്പ് പള്ളിപ്പാടിയിൽ പൊട്ടിയത്. ഇന്ന് രാവിലെയാണ് സംഭവം നടന്നത്. ഒരു മണിക്കൂറിലേറെ വെള്ളം കുത്തി ഒഴുക്കുകയായിരുന്നു