ഉണക്കപ്പുല്ലുകൾക്ക് തീപിടിച്ചു;കുന്നംകുളത്ത് തെങ്ങുകളും കവുങ്ങുകളും കത്തിയമർന്നു

തൃശൂർ : അഗ്നിബാധയെ തുടർന്ന് തെങ്ങുകളും കവുങ്ങുകളും കത്തിയമർന്നു.കുന്നംകുളം പാറേമ്പാടത്താണ് സംഭവം.കുന്നംകുളത്ത് നിന്നും ഗുരുവായൂരിൽ നിന്നുമുള്ള അഗ്നിരക്ഷാസേനാ സംഘമെത്തിയാണ് തീ നിയന്ത്രണ വിധേയമാക്കിയത്.

പാടത്ത് ഉണക്കപ്പുല്ലുകൾക്ക് തീപിടിച്ച ശേഷം സമീപത്തെ പറമ്പിലേക്ക് തീപടരുകയായിരുന്നുവെന്ന് ദൃക്സാക്ഷികൾ പറഞ്ഞു. പറമ്പിലുണ്ടായിരുന്ന തെങ്ങുകളും കവുങ്ങുകളുമാണ് കത്തിയത്.