ഐ.എസ്.എല്ലില് ഞായറാഴ്ച നടന്ന ആദ്യ മത്സരത്തില് ഒഡിഷ എഫ്.സിയെ തകര്ത്ത് ഈസ്റ്റ് ബംഗാള് ഐ.എസ്.എല്ലില് തങ്ങളുടെ ആദ്യ ജയം സ്വന്തമാക്കി. ഒന്നിനെതിരേ മൂന്നു ഗോളുകള്ക്കായിരുന്നു ഈസ്റ്റ് ബംഗാളിന്റെ ജയം.
12-ാം മിനിറ്റില് ആന്തണി പില്കിങ്ടണും 39-ാം മിനിറ്റില് ജാക്വസ് മഗോമയും 88-ാം മിനിറ്റില് ഈസ്റ്റ് ബംഗാളിനായി ആദ്യ മത്സരം കളിക്കുന്ന ബ്രൈറ്റ് എനോബകാരേയുമാണ് കൊല്ക്കത്ത ടീമിന്റെ ഗോളുകള് നേടിയത്.
ഒഡിഷയുടെ ആശ്വാസ ഗോള് ഇന്ജുറി ടൈമില് ഡിയഗോ മൗറീസിയോ നേടി.
മികച്ച പ്രകടനം പുറത്തെടുത്ത ഈസ്റ്റ് ബംഗാള് മത്സരത്തിന്റെ 12-ാം മിനിറ്റില് തന്നെ മുന്നിലെത്തി. വലതുഭാഗത്തു നിന്ന് രാജു ഗെയ്ക്വാദിന്റെ ത്രോ ക്ലിയര് ചെയ്യുന്നതില് ഒഡിഷ താരങ്ങള് വരുത്തിയ പിഴവില് നിന്നായിരുന്നു ഈസ്റ്റ് ബംഗാളിന്റെ ആദ്യ ഗോള്. ബോക്സില് കുത്തി ഉയര്ന്ന പന്ത് ഹെഡറിലൂടെ പില്കിങ്ടന് വലയിലെത്തിക്കുകയായിരുന്നു.
39-ാം മിനിറ്റില് അസാധ്യമായ ഒരു ആംഗിളില് നിന്നാണ് മഗോമ സ്കോര് ചെയ്തത്. ഇടതു ഭാഗത്തു നിന്ന് പന്ത് ലഭിച്ച മഗോമ ഒറ്റയ്ക്കൊരു മുന്നേറ്റത്തിലൂടെ ഒഡിഷ ഡിഫന്ഡര്മാരെ മറികടന്ന് കരുത്തുറ്റ ഒരു ഷോട്ടിലൂടെ പന്ത് വലയിലെത്തിക്കുകയായിരുന്നു.
88-ാം മിനിറ്റില് മികച്ച ടീം വര്ക്കിലൂടെയായിരുന്നു എനോബകാരേ സ്കോര് ചെയ്തത്. ഒഡിഷ ഡിഫന്ഡര്മാരെ കാഴ്ചക്കാരാക്കി മികച്ച പാസുകളുമായി കളിച്ച ഈസ്റ്റ് ബംഗാളിനായി ഒടുവില് പന്ത് ലഭിച്ച എനോബകാരേ സ്കോര് ചെയ്യുകയായിരുന്നു.
ഗോള്കീപ്പര് ദേബ്ജിത്ത് മജുംദാറിന്റെ മികച്ച പ്രകടനവും ഈസ്റ്റ് ബംഗാളിന്റെ വിജയത്തില് നിര്ണായകമായി. ഗോളെന്നുറച്ച നാലിലേറെ അവസരങ്ങളാണ് ദേബ്ജിത്ത് രക്ഷപ്പെടുത്തിയത്.
ആദ്യ പകുതിയില് രണ്ടു ഗോള് വഴങ്ങിയ ഒഡിഷ രണ്ടാം പകുതിയില് മികച്ച പ്രകടനമാണ് പുറത്തെടുത്തത്. മാനുവല് ഒന്വുവും ഡിയഗോ മൗറീസിയോയും ചേര്ന്ന് മികച്ച അവസരങ്ങള് പലതും സൃഷ്ടിച്ചെങ്കിലും നിര്ഭാഗ്യം ഒഡിഷയെ പിന്തുടരുകയായിരുന്നു. ഒന്വുവും മൗറീസിയോയും ഈസ്റ്റ് ബംഗാള് ബോക്സില് നിരവധി അവസരങ്ങള് സൃഷ്ടിച്ചെങ്കിലും ഫിനിഷിങ്ങില് പിഴയ്ക്കുകയായിരുന്നു. ഒഡിഷ താരങ്ങളുടെ നാലോളം ഷോട്ടുകളാണ് പോസ്റ്റിലിടിച്ച് മടങ്ങിയത്.
ധാക്കയിലെ നാഷണൽ സ്റ്റേഡിയത്തിൽ നടന്ന സാഫ് ചാമ്പ്യൻഷിപ്പ് ഫൈനലിൽ പാകിസ്ഥാനെ 2–1ന് പരാജയപ്പെടുത്തി ഭാരതം കിരീടം നിലനിർത്തി. ഇതോടെ പത്താം…
മേഘാലയയിലെ ഭാരത്–ബംഗ്ലാദേശ് അതിർത്തിയിൽ അബദ്ധത്തിൽ അതിർത്തി കടന്ന ബിഎസ്എഫ് ജവാനെ ബംഗ്ലാദേശ് അതിർത്തി സേനയായ ബോർഡർ ഗാർഡ് ബംഗ്ലാദേശ് (ബിജിബി)…
സമാജ്വാദി പാർട്ടി നേതാവും മുൻ ഉത്തർപ്രദേശ് മന്ത്രിയുമായ ആസാം ഖാന് അലഹബാദ് ഹൈക്കോടതി അനുവദിച്ച ഇടക്കാല ജാമ്യത്തിനെതിരെ സുപ്രീം കോടതിയെ…
ജമ്മു കശ്മീരിലെ കുൽഗാം ജില്ലയിൽ ഭീകരവിരുദ്ധ വേട്ട ശക്തമാക്കിയ സുരക്ഷാ സേന, ലഷ്കർ-ഇ-തൊയ്ബ കമാൻഡറായ ലത്തീഫ് ഭട്ടിനെ ഒരു മസ്ജിദിനുള്ളിൽ…
ലഡാക്കിലെ എട്ട് സ്വയംഭരണ ഹിൽ ഡെവലപ്മെന്റ് കൗൺസിലുകളിലേക്കുള്ള തിരഞ്ഞെടുപ്പിൽ 100 സീറ്റുകളിലേക്ക് 541 സ്ഥാനാർഥികൾ നാമനിർദേശ പത്രിക സമർപ്പിച്ചു. ഡിസംബർ…
വിശ്വപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവത്തിന് എത്തുന്ന ലക്ഷക്കണക്കിന് വിശ്വാസികൾക്ക് യാതൊരുവിധ ബുദ്ധിമുട്ടുകളും കൂടാതെ ദർശനവും പൊങ്കാല സമർപ്പണവും…