വെമ്പായത്ത് വയോധികയെ വെട്ടിക്കൊന്നു; അയൽവാസി കസ്റ്റഡിയിൽ

തിരുവനന്തപുരം: തിരുവനന്തപുരം വെമ്പായത്ത് അയൽവാസിയുടെ വെട്ടേറ്റ് വയോധിക കൊല്ലപ്പെട്ടു. ചീരാണിക്കര അരശുംമൂട്ടിൽ 62കാരിയായ സരോജം ആണ് കൊല്ലപ്പെട്ടത്. ഇന്ന് പുലർച്ചെ രണ്ടു മണിയോടെയായിരുന്നു സംഭവം നടന്നത്. അയല്‍വാസിയായ ബൈജുവാണ് ആക്രമണം നടത്തിയത്. മദ്യലഹരിയിലായിരുന്ന ബൈജു സരോജത്തിന്‍റെ മകനും ഭാര്യയും താമസിക്കുന്ന വീട്ടിലെത്തി അക്രമം നടത്തുകയായിരുന്നു. തുടർന്ന് ഈ ശബ്ദം കേട്ടാണ് സരോജം മകന്‍റെ വീട്ടിലെത്തിയത്. ഈ സമയം പ്രതി സരോജത്തിന്‍റെ തലയില്‍ വെട്ടുകയായിരുന്നു എന്നാണ് പ്രാഥമിക നിഗമനം. സംഭവ സ്ഥലത്ത് തന്നെ മരണം സംഭവിച്ചു.

സംഭവവുമായി ബന്ധപ്പെട്ട് അയൽവാസിയായ ബൈജുവിനെ പോലീസ് കസ്റ്റഡിയിലെടുത്തിട്ടുണ്ട്. എന്നാൽ കൊലയ്ക്ക് പിന്നിലെ കാരണം വ്യക്തമല്ല എന്നാണ് പുറത്ത് വരുന്ന റിപ്പോർട്ട്. . കസ്റ്റഡിയിലുള്ള ബൈജുവിന് മാനസിക പ്രശ്‌നങ്ങളുള്ളതായാണ് പൊലീസ് തുടക്കത്തില്‍ നൽകുന്ന വിവരം. പരസ്പര വിരുദ്ധമായ കാര്യങ്ങളാണ് ഇയാൾ പൊലീസിനോട് പറയുന്നത്. മാത്രമല്ല സ്ഥിരം മദ്യപാനിയാണ് ബൈജുവെന്നും പറയപ്പെടുന്നുണ്ട്.. അതുകൊണ്ട് തന്നെ വിശദമായ ചോദ്യം ചെയ്യലിലെ കൂടുതൽ കാര്യങ്ങൾ അറിയൂ എന്നാണ് പൊലീസ് അറിയിക്കുന്നത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്‌സിൻ എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona