എമേർജിങ് ഏഷ്യാ കപ്പ് ; പാകിസ്ഥാനെ തച്ച് തകർത്ത് ഇന്ത്യൻ യുവതുർക്കികൾ !പാക് പടയെ തകർത്തെറിഞ്ഞത് എട്ട് വിക്കറ്റിന്

കൊളംബോ : എമേർജിങ് ഏഷ്യാ കപ്പ് ക്രിക്കറ്റ് ടൂർണമെന്റിൽ പാകിസ്ഥാനെ ചുരുട്ടി കെട്ടി ഇന്ത്യൻ യുവ നിര. ഇന്ത്യയ്ക്ക് 8 വിക്കറ്റിനാണ് ഇന്ത്യ മത്സരം സ്വന്തമാക്കിയത്. ടോസ് നേടി ബാറ്റിങ്ങിനിറങ്ങിയ പാകിസ്ഥാൻ 48 ഓവറിൽ 205 റൺസിനു പുറത്തായി. 42 റൺസ് വഴങ്ങി 5 വിക്കറ്റ് വീഴ്ത്തിയ രാജ്‌വർധൻ ഹൈംഗർഗേക്കറുടെ മാസ്മരിക പ്രകടനത്തിലാണ് പാക് ബാറ്റിംഗ് നിര തകർന്നടിഞ്ഞത്. സ്കോർ: പാക്കിസ്ഥാൻ 48 ഓവറിൽ 205ന് പുറത്ത്. ഇന്ത്യ 36.4 ഓവറിൽ 2ന് 210.

48 റൺസ് നേടിയ ഖാസിം അക്രം മാത്രമാണ് പാക് നിരയിൽ അൽപമെങ്കിലും പിടിച്ചുനിന്നത്. താരതമേന്യേ കുറഞ്ഞ ലക്ഷ്യത്തിലേക്ക് ബാറ്റ് വീശിയ ഇന്ത്യയ്ക്കു തുടക്കത്തിൽ തന്നെ ഓപ്പണർ അഭിഷേക് ശർമയെ (20) നഷ്ടമായെങ്കിലും ഓപ്പണർ സായ് സുദർശൻ തകർപ്പൻ സെഞ്ചുറിയുമായി (104*) കത്തിക്കയറിയപ്പോൾ ഇന്ത്യയ്ക്ക് ആധികാരിക ജയം നേടിക്കൊടുത്തു. സായ് സുദർശനു പുറമേ, അർധ സെഞ്ചുറിയുമായി നേടിയ നികിൻ ജോസും (53) ഇന്ത്യൻ നിരയിൽ തിളങ്ങി. ജയത്തോടെ 6 പോയിന്റുമായി ഗ്രൂപ്പ് ബിയിൽ ഇന്ത്യ ഒന്നാം സ്ഥാനത്തെത്തി. കഴിഞ്ഞ മത്സരത്തിൽ നേപ്പാളിനെ തോൽപിച്ച ഇന്ത്യ സെമി ബെർത്ത് ഉറപ്പിച്ചു.