‘കെ.വിദ്യ എസ്എഫ്ഐ നേതാവല്ല,എസ്എഫ്ഐ നേതാക്കൾ ഇങ്ങനെ അല്ല,അവർ തെറ്റ് ചെയ്യുകയില്ല,…മഹാരാജാസ് കോളേജിന്‍റെ പേരിൽ വ്യാജ രേഖയുണ്ടാക്കിയ കേസിലെ പ്രതി വിദ്യ ഞങ്ങളുടെ നേതാവല്ലെന്ന് വാദിച്ച് ഇ പി ജയരാജൻ

കണ്ണൂര്‍: മഹാരാജാസ് കോളേജിന്‍റെ പേരിൽ വ്യാജ രേഖയുണ്ടാക്കിയ കേസിലെ പ്രതി വിദ്യ ഞങ്ങളുടെ നേതാവല്ലെന്ന് വാദിച്ച് ഇ പി ജയരാജൻ.കെ വിദ്യ എസ് എഫ് ഐ നേതാവല്ലെന്നാണ് ഇ പി ജയരാജന്റെ വാദം.ഈ പ്രസ്താവനയിൽ വലിയ അത്ഭുതമൊന്നും കേരള ജനതയ്ക്ക് തോന്നേണ്ടതില്ല.കാരണം തെറ്റ് ചെയ്തവർ ആരും തങ്ങളുടെ പാർട്ടിയിൽ ഇല്ലാത്തവരാണെന്നത് സഖാക്കന്മാരുടെ സ്ഥിരം പരിപാടിയാണ്.
അതുകൊണ്ട് തന്നെ ഇ പി ജയരാജന്റെ വാക്കുകളിൽ സമൂഹ മാദ്ധ്യമങ്ങൾ ഒന്നടങ്കം അദ്ദേഹത്തെ പരിഹസിക്കുകയാണ്.വ്യാജ മാർക്ക് ലിസ്റ്റ് അടിച്ചിറക്കിയ എസ് എഫ് ഐ നേതാവായ ആർഷോ യെയും ഇനി അറിയില്ലെന്ന് പറയുമോ നേതാവേ എന്നാണ് സമൂഹ മാദ്ധ്യമങ്ങൾ പരിഹാസപൂർവ്വം ചോദിക്കുന്നത്.

അതേസമയം വ്യാജ രേഖയുണ്ടാക്കിയ കേസിലെ പ്രതി വിദ്യ നടത്തിയ തട്ടിപ്പുകളുടെ നിർണ്ണായക വിവരങ്ങൾ പുറത്ത് വന്നു.കാലടി സർവകലാശാലയിൽ പിഎച്ച്ഡി പ്രവേശനത്തിനായി വിദ്യ നടത്തിയ വഴിവിട്ട നീക്കങ്ങളുടെ കൂടുതൽ തെളിവുകൾ പൊലീസിന് ലഭിച്ചു.അതോടൊപ്പം ചട്ടം മറികടന്ന് റിസർച്ച് കമ്മിറ്റി വിദ്യയുടെ പേര് തിരുകി കയറ്റിയ യോഗത്തിന്റെ മിനുട്ട്സും പൊലീസിന് ലഭിച്ചു. വിദ്യയടക്കം അഞ്ചു പേരെ പുതുതായി ഉൾപ്പെടുത്തിയപ്പോൾ സംവരണം പാലിച്ചില്ലെന്ന് രേഖകളിൽ നിന്നും വ്യക്തമാകുന്നുണ്ടെന്ന് പോലീസ് വ്യക്തമാക്കി.

അതേസമയം മഹാരാജാസ് കോളേജിലെ മാർക്ക് ലിസ്റ്റ് വിവാദത്തെത്തുടർന്ന് കോളജിലെ ആര്‍ക്കിയോളജി വകുപ്പ് കോര്‍ഡിനേറ്ററെ പദവിയില്‍ നിന്ന് മാറ്റും. ആര്‍ക്കിയോളജി വകുിപ്പ് കോര്‍ഡിനേറ്റര്‍ ഡോ. വിനോദ് കുമാറിനെതിരെ പരാതി പരിഹാരസെല്ലിന്റെ ശുപാര്‍ശയുടെ അടിസ്ഥാനത്തിലാണ് നടപടി. എസ്എഫ്‌ഐ സംസ്ഥാന സെക്രട്ടറി പി എം ആര്‍ഷോ പരീക്ഷ എഴുതാതെ വിജയിച്ചു എന്ന മാര്‍ക്ക്‌ലിസ്റ്റാണ് വിവാദമായത്.