ഇത്രയും നാൾ കരുതിയതൊക്കെയും തെറ്റ് ! യൂറോപ്പ നമ്മൾ കരുതിയത് പോലെയല്ല !

ഭൂമിക്ക് പുറത്ത് പ്രപഞ്ചത്തിൽ എവിടെയെങ്കിലും ജീവന്റെ സാന്നിധ്യമുണ്ടോ എന്ന മനുഷ്യന്റെ കാലങ്ങളായുള്ള അന്വേഷണങ്ങളിൽ ശാസ്ത്രലോകം ഏറ്റവും കൂടുതൽ പ്രതീക്ഷയോടെ നോക്കിക്കണ്ടിരുന്ന ഒന്നാണ് വ്യാഴത്തിന്റെ ഉപഗ്രഹമായ യൂറോപ്പ. യൂറോപ്പയുടെ ഉപരിതലത്തിലെ കട്ടിയേറിയ മഞ്ഞുപാളികൾക്ക് താഴെ ഒരു കൂറ്റൻ സമുദ്രമുണ്ടെന്നും, അവിടെ ജീവൻ നിലനിൽക്കാനുള്ള സാധ്യതകളുണ്ടെന്നുമാണ് ശാസ്ത്രജ്ഞർ കണക്കാക്കുന്നത്. ഈ സമുദ്രത്തിലെ ജലം മഞ്ഞുപാളികളിലെ വിള്ളലുകളിലൂടെ ബഹിരാകാശത്തേക്ക് വൻതോതിൽ ചീറ്റിത്തെറിക്കുന്നുണ്ടെന്ന പതിറ്റാണ്ടുകൾ പഴക്കമുള്ള കണ്ടെത്തലാണ് ഇപ്പോൾ പുതിയ ഡാറ്റയുടെ വിശകലനത്തിലൂടെ തെറ്റാണെന്ന് തെളിഞ്ഞിരിക്കുന്നത്. വർഷങ്ങൾക്ക് മുൻപ് കണ്ടെത്തിയതായി അവകാശപ്പെട്ട ഈ ജലധാരകളുടെ അഥവാ പ്ലൂമുകളുടെ (Plumes) ലക്ഷണങ്ങൾ കൂടുതൽ കൃത്യതയാർന്ന നിരീക്ഷണങ്ങളിലൂടെ ഇപ്പോൾ പൂർണ്ണമായും അപ്രത്യക്ഷമായിരിക്കുകയാണ്. ജ്യോതിശാസ്ത്ര ജേണലായ ‘അസ്ട്രോണമി ആൻഡ് ആസ്ട്രോഫിസിക്സ്’ മെയ് ലക്കത്തിൽ പ്രസിദ്ധീകരിച്ച പുതിയ പഠന റിപ്പോർട്ടിലാണ് ശാസ്ത്രലോകത്തെ നിരാശപ്പെടുത്തുന്നതും ഒപ്പം ചിന്തിപ്പിക്കുന്നതുമായ ഈ വിവരങ്ങളുള്ളത്. #europamoon #jupiter #spaceexploration #astronomy #nasa #alienlife #subsurfaceocean #plumes #astrophysics #spacescience #solarsystem #scienceupdate #exobiology #cosmicdiscovery #planetaryscience