വിധേയത്വം പഴങ്കഥ !! ഇന്ന് ഭാരതം ആരെയും ഭയക്കാത്ത സ്വതന്ത്രശക്തിയാണെന്ന് വിദേശകാര്യമന്ത്രി എസ് ജയശങ്കർ

ഇന്ന് ആരെയും ഭയക്കാതെ ദേശീയ താത്പര്യത്തിനും ആഗോളനന്മയ്ക്കുമായി ശരിയായത് ചെയ്യുന്ന ലോകശക്തിയാണ് ഭാരതമെന്ന് വിദേശകാര്യമന്ത്രി എസ് ജയശങ്കർ. ഇന്ന് രാജ്യത്തിന്റെ തീരുമാനങ്ങളെയും താത്പര്യങ്ങളെയും ഏകപക്ഷീയമായി എതിർക്കാനോ തള്ളാനോ ആരെയും അനുവദിക്കില്ലെന്നും അതേസമയം തന്നെ തങ്ങളുടെ തീരുമാനം അവരെ അടിച്ചേൽപ്പിക്കാനോ അനുസരിപ്പിക്കാനോ ശ്രമിക്കില്ലെന്നും മുംബൈയിൽ നടന്ന ഒരു ചടങ്ങിൽ സംസാരിക്കവേ എസ്. ജയശങ്കർ വ്യക്തമാക്കി.

“ആഗോളവൽക്കരണ കാലത്ത് സാങ്കേതികവിദ്യയും പാരമ്പര്യവും ഒരുമിച്ച് മുന്നേറണം. ഭാരതം പുരോഗമിക്കേണ്ടത് അനിവാര്യമാണ്. അത് സംഭവിക്കുക തന്നെ ചെയ്യും. പക്ഷേ അത് അതിന്റെ ഭാരതീയത നഷ്ടപ്പെടാതെ വേണം പുരോഗതി കൈവരിക്കേണ്ടത്. എങ്കിൽ മാത്രമേ നമുക്ക് ഒരു ബഹുധ്രുവലോകത്തിലെ ഒരു മുൻനിര ശക്തിയായി ഉയർന്നുവരാൻ സാധിക്കുകയുള്ളു.യുവതലമുറ രാജ്യത്തിന്റെ പൈതൃകത്തിന്റെ മൂല്യത്തെയും പ്രാധാന്യത്തെയും കുറിച്ച് പൂർണ്ണമായി ബോധവാന്മാരാകേണ്ടത് അത്യാവശ്യമാണ്.

സ്വാതന്ത്ര്യത്തെ ഒരിക്കലും നിഷ്പക്ഷതയുമായി കൂട്ടിക്കുഴയ്ക്കരുത്. അത് രൂപപ്പെടാൻ, ഭയക്കാതെ നമ്മുടെ ദേശീയ താൽപ്പര്യത്തിനും ആഗോള നന്മയ്ക്കുമായി ശരിയായത് ഞങ്ങൾ ചെയ്യും.
ഭാരതം ഇന്ന് ഒരു നിർണായക ഘട്ടത്തിൽ എത്തിയിരിക്കുകയാണ്. ദാരിദ്ര്യം, വിവേചനം, അവസരങ്ങളുടെ അഭാവം തുടങ്ങിയ നൂറ്റാണ്ടുകൾ പഴക്കമുള്ള പ്രശ്നങ്ങൾ പരിഹരിക്കാൻ സാധിച്ചു. ലോകരാജ്യങ്ങൾക്ക് ഇടയിൽ ഇന്ത്യ ഒരു സ്വതന്ത്ര ശക്തിയായി ഇതിനോടകം അടയാളപ്പെടുത്തി . എന്നാൽ സ്വാതന്ത്ര്യം എന്നതിനെ നിഷ്പക്ഷതയായി ആരും കരുതരുത്. ഇന്ന് ആഗോള നന്മയ്ക്കായി പ്രതിജ്ഞാബദ്ധനായ നിർണായക ശക്തിയായി ഭാരതം മാറി.”- എസ. ജയശങ്കർ പറഞ്ഞു.