കുടുംബവഴക്ക്; രാജസ്ഥാനിൽ നാല് മക്കളെ കൊന്ന് യുവതി ജീവനൊടുക്കി

ജയ്പൂർ: നാല് മക്കളെ കൊലപ്പെടുത്തിയ ശേഷം 27കാരി ആത്മഹത്യ ചെയ്തു. രാജസ്ഥാനിലെ ബാർമർ ജില്ലയിലാണ് മക്കളെയും കൊന്ന് യുവതി ജീവനൊടുക്കിയത്. മക്കളിൽ മൂന്നുപേർ പെൺകുട്ടികളാണ്. നാലു കുട്ടികളെയും യുവതി സ്റ്റീൽ ഡ്രമ്മിൽ അടച്ചിടുകയായിരുന്നുവെന്ന് പോലീസ് പറഞ്ഞു. കുട്ടികൾ ശ്വാസംമുട്ടിയാണ് മരിച്ചത്. പോലീസ് എത്തിയാണ് മൃതദേഹങ്ങൾ പുറത്തെടുത്തത്. മരിച്ച യുവതിയുടെ ഭർത്താവ് ഖനിത്തൊഴിലാളിയാണ്. ഭർത്താവ് ​ജോലിക്കു പോയപ്പോഴാണ് സംഭവം.

മരണവിവരം അയൽക്കാരാണ് പോലീസിനെ അറിയിച്ചത്. ദമ്പതികൾ പതിവായി കലഹമുണ്ടാവാറുണ്ടെന്നും അതാകാം മരണത്തിന് പിന്നില്ലെന്നും അയൽക്കാർ പോലീസിനോട് പറഞ്ഞു. പരാതി ലഭിച്ചാൽ അന്വേഷണം നടത്തുമെന്ന് പോലീസ് അറിയിച്ചു.