ദില്ലി: ഭീകരവാദികളേയും ഭീകരവാദ സംഘടനകളേയും നിയന്ത്രിക്കുന്നതില് പാക്കിസ്ഥാന് പരാജയപ്പെട്ടെന്ന് ആഗോള കൂട്ടായ്മയായ ഫിനാന്ഷ്യല് ആക്ഷന് ടാസ്ക് ഫോഴ്സ്. ഭീകരവാദ സംഘടനകള്ക്ക് സാമ്പത്തിക ലഭ്യത ഇല്ലാതാക്കാനായി നിര്ദ്ദേശിച്ച 40 മാനദണ്ഡങ്ങളില് ഒന്നുമാത്രമാണ് നടപ്പാക്കിയതെന്ന് എഫ്എടിഎഫ് കുറ്റപ്പെടുത്തി. ഇക്കഴിഞ്ഞ ശനിയാഴ്ചയാണ് റിപ്പോര്ട്ട് പുറത്തുവിട്ടത്.
യുഎന് സുരക്ഷാ സമിതി ആഗോള ഭീകരനായി പ്രഖ്യാപിച്ച ഹാഫിസ് സയീദ്, ആഗോള ഭീകര സംഘടനയായ ജെയ്ഷ ഇ മുഹമ്മദ്, ലഷ്കറെ തോയ്ബ തുടങ്ങിയ സംഘടനകളെ നിയന്ത്രിക്കുന്നതിനായി മുന്നോട്ടുവെച്ച നിര്ദ്ദേശങ്ങള് വാരിക്കുന്നതില് വീഴ്ച വരുത്തിയെന്ന് എഫ്എടിഎഫ് റിപ്പോര്ട്ടില് വ്യക്തമാക്കി. ഏഷ്യാ പസിഫിക് ഗ്രൂപ്പാണ് റിപ്പോര്ട്ട് തയ്യാറാക്കിയത്.
അതേസമയം എഫ്എടിഎഫ് നിര്ദേശിച്ച മാര്ഗ്ഗനിര്ദ്ദേശങ്ങള് പാലിക്കാത്തതിനാല് പാക്കിസ്ഥാനെ ഗ്രേ ലിസ്റ്റില് നിലനിര്ത്തിയേക്കും. ഒക്ടോബര് 13 മുതല് 18 വരെ പാരീസിലാണ് എഫ്എടിഎഫ് യോഗം. നേരത്തെ യുഎന്നിന്റേയും എഫ്എടിഎഫിന്റേയും മാര്ഗ നിര്ദ്ദേശങ്ങള് പാലിക്കാത്തിനാല് ജൂണിലാണ് പാക്കിസ്ഥാനെ ഗ്രേ ലിസ്റ്റില് ഉള്പ്പെടുത്തിയത്. ഭീകരവാദികള്ക്കും ഭീകര സംഘടനകള്ക്കും സാമ്പത്തിക സഹായം ലഭ്യമാകുന്നത് തടയാന് യുഎന് സുരക്ഷ കൗണ്സില് നിര്ദ്ദേശിച്ച മാനദണ്ഡങ്ങള് പൂര്ണമായി നടപ്പാക്കാന് പാക്കിസ്ഥാന് തയ്യാറായിട്ടില്ല.
ലഷ്കര് ഇ തോയ്ബ, ജമാഅത്ത് ഉദ്ദവ, ഫലാഹ് ഇ ഇന്സാനിയാത് ഫൗണ്ടേഷന് തുടങ്ങിയ സംഘടനകള്ക്കെതിരെ പാക്കിസ്ഥാന് സര്ക്കാര് നടപടി സ്വീകരിച്ചിട്ടില്ലെന്നും എഫ്എടിഎഫ് റിപ്പോര്ട്ടില് പറയുന്നുണ്ട്. ഭീകരസംഘടനകള്ക്കുള്ള സാമ്പത്തികസഹായം തടയാനും കള്ളപ്പണം വെളുപ്പിക്കുന്നത് അവസാനിപ്പിക്കാനും ലക്ഷ്യമിട്ട് രൂപീകരിച്ച രാജ്യാന്തര കൂട്ടായ്മയാണ് എഫ്എടിഎഫ്.
സംഭവത്തിന്റെ ഗൗരവം പാകിസ്ഥാന് മനസ്സിലായിട്ടില്ലെന്നും എഫ്എടിഎഫ് കുറ്റപ്പെടുത്തി. ഇനിയും അലംഭാവം തുടര്ന്നാല് ഉത്തരകൊറിയയും ഇറാനുമുള്പ്പെട്ട കരിമ്പട്ടികയില് ഉള്പ്പെടുത്തുമെന്നും മുന്നറിയിപ്പ് നല്കിയിട്ടുണ്ട്.
ഭാരതത്തിന്റെ പ്രതിരോധ ചരിത്രത്തിലെ ഏറ്റവും നിർണ്ണായകമായ ഒരു ഘട്ടത്തിലൂടെയാണ് രാജ്യം ഇപ്പോൾ കടന്നുപോകുന്നത്. കരയിൽ നിന്നും വായുവിൽ നിന്നും സമുദ്രത്തിൽ…
പ്രപഞ്ചത്തിന്റെ ഉൽപ്പത്തിയെക്കുറിച്ചും ഗാലക്സികളുടെ രൂപീകരണത്തെക്കുറിച്ചും ശാസ്ത്രലോകത്തിന് പുതിയ അറിവുകൾ നൽകുന്ന വിപ്ലവകരമായ ഒരു കണ്ടെത്തലാണ് നാസയുടെ ഹബിൾ ബഹിരാകാശ ടെലിസ്കോപ്പ്…
ഭാവി തലമുറയെ എങ്കിലും സാമ്പത്തുള്ളവരാക്കാം. ലോട്ടറിയും കറക്ക് കമ്പനികളിലെ നിക്ഷേപങ്ങളും മറക്കാം! സാമ്പത്തിക വിദഗ്ധൻ ആർ റെജി രാജ് സംസാരിക്കുന്നു!…
ഭാരതത്തിന്റെ വ്യോമയാന ചരിത്രത്തിൽ എച്ച്.എഫ്-24 മാരുതിനോളം വിവേചനം നേരിട്ട മറ്റൊരു യുദ്ധവിമാനം ഉണ്ടാകില്ല. ലോകോത്തരമായ രൂപകൽപ്പനയും അതിശയിപ്പിക്കുന്ന യുദ്ധവീര്യവും ഉണ്ടായിരുന്നിട്ടും,…
ഭാരതത്തിന്റെ ചരിത്രത്താളുകളിൽ വിദേശാക്രമണങ്ങളെ ചെറുത്തുതോൽപ്പിച്ച നിരവധി വീരപുരുഷന്മാരുടെ കഥകൾ നാം വായിച്ചിട്ടുണ്ട്. എന്നാൽ അധിനിവേശ ശക്തികൾക്ക് മുന്നിൽ പതറാതെ പോരാടിയ…
സന്തോഷവും സങ്കടവും നമ്മുടെ ആന്തരികമായ അവസ്ഥകളാണ്. അത് മറ്റൊരാളുടെ വാക്കുകളെയോ പ്രവൃത്തിയെയോ ആശ്രയിച്ചിരിക്കുമ്പോൾ, വാസ്തവത്തിൽ നമ്മുടെ ജീവിതത്തിന്റെ നിയന്ത്രണം നാം…