കൊല്ലുമെന്ന് പല തവണ പറഞ്ഞു; അച്ഛനും അമ്മാവനും ചേർന്ന് ക്രൂരമായി വെട്ടിക്കൊന്നു, മരവിച്ച മനസ്സുമായി ഹരിത

പാലക്കാട്‌: പാലക്കാട് ഭാര്യാ​പി​താ​വും അ​മ്മാ​വ​നും ചേ​ര്‍​ന്ന് യുവാവിനെ വെട്ടിക്കൊലപ്പെടുത്തി. സംഭവത്തില്‍ ഭാര്യ പിതാവിനെ പോലീസ് കസ്റ്റഡിയിലെടുത്തു. ഇന്നലെയാണ് നാടിനെ നടുക്കിയ അരുംകൊല നടന്നത്. അ​നീ​ഷി​ന്‍റെ ഭാ​ര്യ പി​താ​വായ പ്ര​ഭു​വും സുരേഷും ചേര്‍ന്നാണ് കൊല നടത്തിയത്. കോയമ്പത്തൂരിൽ നിന്നാണ് ഇയാളെ അറസ്റ്റ് ചെയ്തത്. സംഭവത്തിന് ശേഷം പ്രഭുകുമാർ കോയമ്പത്തൂരിലേക്ക് ഒളിവില്‍ പോകുകയായിരുന്നു. അതേസമയം തന്‍റെ വീട്ടുകാര്‍ നിരവധി തവണ അനീഷിനെ ഭീഷണിപ്പെടുത്തിയിരുന്നുവെന്ന് ഭാര്യ ഹരിത പോലീസിനോട് പറഞ്ഞു. ഇതിനുപുറമെ അമ്മാവൻ സുരേഷും, പ്രഭു കുമാറും ചേർന്നാണ് അനീഷിനെ വടിവാൾ ഉപയോഗിച്ച് വെട്ടിക്കൊന്നതെന്നു ദൃക്‌സാക്ഷിയും പോലീസിന് മൊഴി നല്‍കി.

ബൈക്കിൽ കടയിൽ പോയ അനീഷിനെ ഹരിതയുടെ അച്ഛൻ പ്രഭുകുമാറും അമ്മാവൻ സുരേഷും ചേർന്ന് വെട്ടുകയായിരുന്നു. സംഭവത്തില്‍ അനീഷിന്റെ സഹോദരനും വെട്ടേറ്റിട്ടുണ്ട്. ആശുപത്രിയിലേക്ക് കൊണ്ടു പോകും വഴിയാണ് അനീഷ് മരിച്ചത്. പെയിന്റിങ് ജോലിക്കാരനായ അനീഷിനൊപ്പം മൂന്ന് മാസം മുമ്പാണ് പെണ്‍കുട്ടി വീട് വിട്ട് ഇറങ്ങിയത്. ഇതിന് ശേഷം ഭാര്യ വീട്ടുകാരുടെ അടുത്ത് നിന്ന് നിരവധി തവണ വധ ഭീഷണികള്‍ ഉണ്ടായിട്ടുണ്ടെന്ന് അനീഷിന്‍റെ കുടുംബാംഗങ്ങളും പറഞ്ഞു. കൊലനടത്തിയതിന് ശേഷം ഒളിവിൽ പോയ ഹരിതയുടെ അച്ഛൻ പ്രഭുകുമാറിനെ കോയമ്പത്തൂരിലെ ബന്ധുവിന്റെ വീട്ടിൽ നിന്നാണ് പോലീസ് പിടികൂടിയത്.